Charradas

2 de mayo de 2018

Dimpués de que fa unas semanas nos dasen un Áccesit en el Festival de cine Espiello, continán dando ferrete.

El 9 de mayo participarén con una charrada en las “Jornadas de cine y escuela” del CIFE Juan de Lanuza en Zaragoza.

Per atra parte, una año més nos han trigau ta formá parte del VI Encuentro de Experiencias de Innovación Educativa “Utopías Educativas”. en esta ocasión charrarén de la elaboración de materials educativos con l’aplicación “Scribus”. Aquí ye el vídeo de presentación:

Anuncios

Rematando trimestre

26 de marzo de 2018

Ya son prestos ta prené las vacancias, y no podeba faltá un resumen de lo qu’hen feto estes meses.

Encá no son publicaus es curtos del curso pasau y ya tenén prestos es guións del d’este. A viyé si en el tercé trimestre…

Amés hen estau repasando y aprendendo vocabulario aprovechando las TICS a traviés del chuego. D’ixa traza, ¡la fayena ye prou més divertida!

El pase de diapositivas requiere JavaScript.

 

Proyecións de las nuestras pelis en Espiello

19 de marzo de 2018

El sábado 7 d’abril a las 11:30 en el Palacio de Congresos de Boltaña se proyetarán dentro de la programación d’Espiello  es siguiéns curtos de “Cine en aragonés”:

A liga de segundo
En a Pena Montañesa
Esnavesando per internet
O castiello d’as fantasías
O fútbol d’os animals
O pastor y a forana
Clases d’aragonés

Maitín martes a las 19:00 la escuela de Chistén tamién será presén en el salón de la Diputación Provincial de Huesca, con la proyeción del documental “El lápiz, la nieve y la hierba”. Se fará un coloquio en el que participarán Arturo Méndiz, diretor del documental, Carlos Omiste, tutor de l’aula y un servidó, entre atros.

Este lunes, charrada en el “CIFE de Sabiñánigo”

11 de marzo de 2018

Fa unas semanas el “CIFE de Sabiñánigo” me va convidá a fé una charrada sobre cultura aragonesa en l’aula dentro del “Curso de iniciación a la lengua y cultura aragonesa” que se ye celebrando estes diyas. Tratarén de contá la nuestra esperiencia en el CRA trasmitindo la cultura d’estas vals.

A clica de L’Ainsa, candidata en Espiello

7 de marzo de 2018

Es 9 curtos que von fé en la escuela de L’Ainsa y que von estrená en 2017 son entre es 15 candidatos a la nueva categoría del Festival Espiello, el premio “Agora x  l’aragonés”. Tamién son trigaus atros vídeos de la comarca, como “Lo Gorroroi” y “Un diya en el circo”. ¡Tendrén que empecipiá a pensá en si fon un Hollywood en Sobrarbe!

Mural de fauna y flora

5 de marzo de 2018

Aprovechando qu’heben estau troballando con fauna y flora, y que tenén a man el libro d’Alfonso Ferrer sobre la val de Chistau, hen estau fendo uns murals en las escuelas con las fotos que nos h’amprau. ¡Ya tenén més decoradas las clases!

El pase de diapositivas requiere JavaScript.

 

Mostruos con ferramentas d’oficios

12 de febrero de 2018

Una nueva tirada de vocabulario que nos trayen es mostruos charramplas ta la clase. Esta vez, tot ferramentas de troballos que tenén per aquí cerca.

El pase de diapositivas requiere JavaScript.

 

Cuentos d’es Pirineus

29 de enero de 2018

El primer trimestre d’infantil el hen adedicau a conoixer y dramatizar cuentos de la tradición oral d’es Pirineus. Con figuretas con imáns y un cuadernillo con las historias, ¡se’l han pasau de pistón!

El pase de diapositivas requiere JavaScript.

 

Fauna y flora ta chugar

23 de enero de 2018

Ya son en el segundo trimestre y encara no heben enseñau el qu’heben feto en el primer. Continán troballando contenius a traviés de chuegos, en este caso, fauna y flora con una baraixa: “Plantas vs. animals”. Que millor que conoixer es sers vivos que viven en la nuestra redolada y las suyas caraterísticas chugando a las cartas.

El pase de diapositivas requiere JavaScript.

Como curiosidá, entre todas las escuelas han feto més de 1400 cartas. Y encara nos queda una cosa sin rematar, ta la que contarén con un convidau especial. Dentro de poco tos contán…

Cine en aragonés, “proyecto de innovación educativa”

11 de diciembre de 2017

El proyeto Cine en aragonés que leván fendo ya uns cuantos años en el CRA acaba de estar nombrau “Proyecto de innovación educativa” per parte del Departamento de Educación del Gobierno de Aragón. D’esta traza pasán a formar parte del grupo de centros que destaca la Consellería per la suya innovación en las clases.

Norabuena a’s protagonistas d’es curtos, ya que sin el suyo troballo, ¡esto nunca habría estau posible!


A %d blogueros les gusta esto: