Archive for the ‘vocabulario’ Category

Atra de mostruos charramplas

27 de febrero de 2017

Fa diyas que querrebe colgar esta entrada, pero no me vagaba per una cosa u atra. Ta empecipiar el trimestre von fer debuixos de vocabulario referiu a l’hibierno de bela traza. Astí van es resultaus d’es artistas.

El pase de diapositivas requiere JavaScript.

 

Murals fetos con la Capoleitor 3000

26 de diciembre de 2013

Si tos alcordaz, el dotor Escrabazinau fa años que va inventar una maquineta que dichitalizaba tot lo que le meteba. Pos con ixes materials replegaus per toz es nuestros lugars, en primaria hen feto uns murals que’s representan. Asinas, hen puisto viyer parolas del nuestro entorno: petadera, pollín, balandiador, pella, vetiecho, margalida, barana, cadiello, trunfera…

El pase de diapositivas requiere JavaScript.

Ya se puede viyer ¡Bien dicho! en la web

1 de marzo de 2013

El que no haiga puisto estar devant del televisor, ya puede mirarse el programa per internet punchando aquí.

Aquí tenez la parte an que salen es borches de la escuela de San Chuan.

Son fendo comics

1 de febrero de 2013

L’año pasau ya me rondaba la idea pe’l crabacín, y a la fin, voi emplegarla ta’l diya de la paz. Latón man va presentarse en sociedat en una de las atividaz que von troballar en Laspuña toz es ninos del C.R.A. Estiaño continan en clase las aventuras d’este heroe tan particular, pero basta que’l acabén de pintar y apegar es bocadillos, deixán la primera aventura disposable. Diz punchando…

Fosals de zombis

28 de diciembre de 2012

Von a meternos al diya, que con la fayenas de clase nián me vagaba de publicar bela cosa per aquí. Con el cuento de toz es santos y el halloween, von continar la tematica del terror en noviembre. Asinas que nos von fer uns zombis dentro de la fuesa, y de paso, von troballar vocabulario de las partes del cuerpo: clavillars, maniquiellos, crabacins, garras, ancas,… L’unico, que estes zombis se paixeban desmasiau a’s ninos de clase. Yo per si ancaso, miro de no estarie en l’aula con els a escuras, no sia que me fotan bel mueso…

El pase de diapositivas requiere JavaScript.


Fe-te con toz!

19 de abril de 2012

Qué millor traza de aprender cosas de las plantas y es animals que se beyen per estes puestos que chugando. El segundo trimestre nos hen entreteniu en fer un faixo de cartas an podén trobar las suyas caracteristicas: lo que miden, lo que biben, lo que minchan, lo periglosos que son… Con ixo comparán cartas, y el que echa la más fuerte, se lleba la baza. Qui se queda con todas, ye el que gana. Ni que estase esto es pokemons!

El pase de diapositivas requiere JavaScript.

Ixe soi yo!

21 de junio de 2011

El pase de diapositivas requiere JavaScript.

Es ninos de infantil han estau tot el zaguer trimestre replegando el suyo cuerpo en la maleta ta dir-se-ne de bacazions. Un cuentet ta conoixer que tienen crabazín, mans, garras, peus… De seguro les ha feto gois as suyos pais, perque han troballau firme!


A %d blogueros les gusta esto: