Archive for the ‘tenolochía’ Category

Classdojo, atra puerta de comunicación con las familias

10 de noviembre de 2016

Este curso i hai una novedá en las clases d’aragonés del CRA Cinca-Cinqueta. Serén emplegando una ferramienta online que se diz Classdojo. Con ella, las familias pueden estar al tanto de lo que son fendo en clase, y tamién conoixer como va dindo la atividá de l’alunnau. La aplicación puede emplegarse con ordenadors, móvils, tablets… con lo cual , se puede estar al diya de la nuestra fayena en cualquier puesto.

Amés ye mui motivador ta’s borches, perque son representaus per mostruos que pueden dir modificando al suyo gusto conforme pase el curso. De momento, hen aprovechau en cada escuela y tenén murals con estes mostruos que van charrando en aragonés.

El pase de diapositivas requiere JavaScript.

Primer diya capuzau

6 de septiembre de 2013

Dimpués d’un largo diya de esperiencias nuevas, son descansando una miqueta en l’hotel ta tornar a prener fuerzas.

El maitín ha empecipiau fuerte, con la vesita al Ars Electronic Centre. Lo primer que hen feto ha estau darnos una gambiadeta per tot es montaches e instalacions. I heba un rabaño, e Irene y Vitoria  se’l han pasau bomba, perque aquí tot ye tocar, esperimentar, participar…

Allá a la una, dimpués d’atender a una entrevista de Radio Zaragoza (¡a estas ninas las contrato de relacions publicas pero ya!), ha tocau presentar el nuestro proyeto de cine en aragonés. La chent ha quedau prou impresionada de la fayena qu’han feto toz estes borches. ¡Incluso el diretor del festival nos ha felicitau!

Dimpués de minchar un plato de pasta con camparols en el restaurant del museo Lentos d’arte moderno de Linz, nos hen ficau a viyer belas esposicions que teneban. Hen puisto disfrutar d’obras de chent que de seguro tos suena a’s més estudiosos: Warhol, Klimt,… y ta’s frikis como yo, Giger, el que va diseñar el mostruo d’Alien.

Ta rematar la tarde, nos n’hen diu ta’l OK centrum, ta viyer unas cuantas instalacions d’arte. Alí hen aprendiu que basta con las gallinas se puede fer arte. Asinas que ya sabez: si tenez un corral en casa, ¡tamién podez estar creativos!

El pase de diapositivas requiere JavaScript.

Y las ganadoras son…

19 de julio de 2013

¡Irene, de San Chuan, y Victoria, de Laspuña! A ellas les toca representar el nuestro proyeto en la seción U19 de Ars electronica chunto con proyetos de toda Europa. El sorteo s’ha feto sacando es numeros correspondients de traza aleatoria en l’ordenador de la capoleitor 3000.  No tos apurez que ya tos farén buen reportache fotografico de la nuestra vesita a Linz.

Linz

Las delerias del dotor Escrabazinau y de la dotora Ababol

23 de junio de 2013

Estes dos cientificos tamién han pasau per las clases d’infantil. El tercer trimestre hen investigau una mica con els sobre es ordenadors: la suya historia, como son per dentro… Y per supuesto, hen conoxiu es esperimentos d’este par de cingals.

El pase de diapositivas requiere JavaScript.

Historia d’es videochuegos

24 de mayo de 2013

Nos paix que es videochuegos fa 4 diyas que son inventaus, pero ya fa més de medio siglo que son con nusatros. Estas semanas de dezaga hen estau estudiando las suyas comencipiaduras y la evolución de las maquinas an marchan.

Ta fer las clases von contar con la aduya del dotor Escrabazinau y la dotora Ababol, dos conoixius cientificos del siglo pasau del Sobrarbe, y con la asociación Retroacción. Gracias a els von poder prebar maquinas d’es zaguers 40 años en clase.

Pero no tot ha estau chugar, que tamién va tocar fer un esamen ta meter a preba la comprensión letora d’es borches con lo que hen estudiau. ¡Ah, pobres! ¡Se las prometeban mui felices cuan van viyer la primera consola en clase!



El pase de diapositivas requiere JavaScript.


A %d blogueros les gusta esto: