Archive for the ‘premios’ Category

Chicoz artistas en 1º

24 de junio de 2016

Tos meto fotos d’es debuixos que han ganau dos alunnos míos en el XXIV Concurso Comarcal de Sobrarbe. ¡Norabuena, Lizar y Adam F! Tamién cal felicitar al resto de borches, que anque no han ganau, el suyo esfuerzo les ha valiu un chiquet detalle de la comarca. Estas cosas fan goi a saberlo. 🙂

SANYO DIGITAL CAMERA

SANYO DIGITAL CAMERA

Ta’l Festival Internacional de Cine de Valencia, per partida doble

23 de mayo de 2016

Fa un momento nos ha allegau la noticia de que serén preséns de nuevo en el 31 Festival Internacional de Cine de Valencia, Cinema Jove. Esta vez, han trigau dos curtos ta participar en la la seción “Encuentro audiovisual de Jóvenes”: “Las pastilletas” de las clases d’aragonés en la escuela de San Chuan de Plan (CRA Cinca-Cinqueta), y “El futbolista“, de la escuela de Fiscal (CRA Alto Ara).

Ya ye el tercer año que conseguín estar en este Festival, ¡y con el mérito de representar a dos centros de vez! Tos recuerdo que fa dos años la escuela d’A Espuña va ganar el segundo premio d’este certamen con “A espluga asesina“. ¡Norabuena y suerte!

 

Ya ye el diploma en San Chuan

17 de noviembre de 2015

El diploma del “Festival de Cine de Zaragoza” ta “Las pastilletas“, que von replegar el sabado en Zaragoza, ya cuelga de las parez de la escuela de San Chuan. Tos deixán unas fotos de la gala de proyeción d’es curtos, d’es borches de la escuela este maitín replegando el diploma y tamién, como no, el papelet, que les ha feto abundante ilusión. 🙂

El pase de diapositivas requiere JavaScript.

Atra sobre premios

3 de noviembre de 2015

Me cuentan del Centro de Iniciativas Turísiticas de la Bal de Chistau que en el V Certamen cultural que organizan he quedau segundo en el concurso de relatos con “La lit” (si quies leyerlo, puncha en el nombre ta baixarlo) y tercer en la convocatoria de foto, con esta marmota tan pincha.

Marmota

Como siempre, me fa abundante ilusión recibir premios, y més cuan vienen de la val. Cal agradeixer el troballo que fan cada año convocando el certamen, que asinas s’anima una miqueta el panorama cultural d’estes lugars. Ah, y ¡norabuena tamién a’s atros ganadors!

“Las pastilletas” finalista del Festival de Cine de Zaragoza

28 de octubre de 2015

Un año més, l’aragonés y el CRA Cinca-Cinqueta será presén en el Festival de Cine de Zaragoza. El curto “Las pastilletas”, de la escuela de San Chuan ha estau trigau como finalista en la seción “4º Certamen Internacional de Escolares”.

El diya 14 de noviembre se proyetará chunto con el resto de finalistas en el Salón d’Atos de Caixaforum Zaragoza (C/ José Anselmo Clave, 11) con entrada libre.

Aprovechán la noticia ta fer l’estreno del curto, que encara el teneben pendién. ¡Norabuena y suerte, borches!

Ya ye en Chistén el diploma de finalistas del Fescila

15 de junio de 2015

Es borches de Chistén ya pueden colgar en la paré de la escuela el diploma del FESCILA que voi replegar fa uns diyas. Astí es tenez en la foto bien contentos. ¡Norabuena per la vuestra fayena!

Chistén
Entrega
Diploma

“La historia d’Alcatraz”, finalista del Festival internacional Cinema Jove

25 de mayo de 2015

La historia d’Alcatraz, atro d’es curtos que va fer la escuela de Plan el curso pasau, ha estau trigau como finalista de la  30 edición del Festival Internacional de Cine de Valencia, Cinema Jove. Participará en la seción oficial “Encuentro audiovisual de jóvenes”. Si tos alcordaz, l’año pasau von ganar el 2º premio con “A espluga asesina” de la escuela d’A Espuña. A viyer estiaño si tamién i hai suerte…

Per cierto, aquí tenez el curto, que encara no’l heben estrenau. ¡Asperán que tos faya goi!

“El videojuego más alucinante”, ganador del Fescila

22 de mayo de 2015

Tos deixán el vídeo que ha ganau la categoría de “Valores educativos y ciudadanos” en el Festival de Cine de La Almunia.

¡Norabuena a’s compañers del CEIP Vicente Ramos de Valderrobres!

Si tos alcordaz, nusatros participaben con “La tele encantada” de Chistén. El 6 de chuniol i dirén a replegar el diploma de finalistas ta  en la proyeción de curtos finalistas y ganadors que fan en el Caixa Fórum de Zaragoza.

Caixaforuim

¡Finalistas!

20 de mayo de 2015

Dos d’es tres curtos que von presentar la escuela de Fiscal, han entrau en la final d’es “Premios Nacionales de Cortometrajes de Educación Vial“. Querrén dazos las gracias a toz es que nos hez aduyau con el voto vuestro. Sin vusatros no habría estau posible. Ara nos queda asperar a la decisión del churau. A viyer si i hai suerte… 🙂

Race

La tele incantada, al Festival de Cine de La Almunia

25 de marzo de 2015

Ta no perder el costumbre, el C.R.A. Cinca-Cinqueta y l’aragonés será atro año més finalistas en la categoría escolar del Fescila, XX Festival de Cine de La Almunia ¡Y van ya ni’l sé de veces! Participarén con el curto de Chistén, “La tele incantada”. ¡Norabuena y suerte!

La tele incantada


A %d blogueros les gusta esto: