Archive for the ‘plantas’ Category

Atra de mostruos charramplas

27 de febrero de 2017

Fa diyas que querrebe colgar esta entrada, pero no me vagaba per una cosa u atra. Ta empecipiar el trimestre von fer debuixos de vocabulario referiu a l’hibierno de bela traza. Astí van es resultaus d’es artistas.

El pase de diapositivas requiere JavaScript.

 

Anuncios

Las cartas en el Diario del Alto Aragón

12 de mayo de 2016

Las cartas que tos contaben l’atro diya tamién han saliu en el suplemento escolar del Diario del Alto Aragón. ¡No parán d’estar noticia! 🙂

01

Un chuego de cartas con animals, plantas…

5 de mayo de 2016

No ye la primera vez que troballo es sers vivos con este chuego de cartas, y la verdá ye que funciona de pistón. Pues troballar vocabulario, y caraterísticas de animals, plantas, fongos de la zona d’una traza divertida. ¡Belún basta se’l leva ta las cursas que fon!

El pase de diapositivas requiere JavaScript.

Las plantas

21 de junio de 2015

El curso ya ye rematau ta’s borches. Con el proyeto de las plantas hen montau una esposición de plantas de la ribera del Ara. L’atro diya von fer una cursa per un camín y von conoixer las plantas que creixen al canto del río. Con las fuellas que von replegar, hen aprestau unas fichas con es nombres científico, en castellán, aragonés e inglés, asinas como cosas que heben aprendiu: si yeran caducas, perennes, el fruto que dan, ta que s’emplegan…

¿Cómo ha quedau? ¿Tos fa goi?

El pase de diapositivas requiere JavaScript.

La tesis del dotor Escrabazinau y la dotora Ababol

20 de mayo de 2014

Pos sí, ya son per las nuestras clases atra vez ixes dos matracos. Agora con el estudio en forma de tesis de las suyas investigacions con la capoleitor, esta vez en la versión 4000.

Si tos alcordaz, a comencipiadura de curso von acabar uns murals que troballaban vocabulario del nuestro arredol.

Es dibuixos yeran toz resultau d’es esperimentos d’estes dos cientificos. Agora, con este libret, y con es apegallos que soi repartindo a’s ninos, son viyendo como tot este vocabulario se diz en las otras luengas que estudian en el CRA: castellán, francés e inglés. Y encara queda puesto ta meterlo en atro idioma més el que sepa.

El pase de diapositivas requiere JavaScript.

Ta completar el álbum cal pedir aduya a’s mayestros de inglés y francés, y el que no escriba todas las parolas en el suyo album, se queda sin cromos a la semana siguient. ¡Ya pueden troballar firme si quieren rematar la coleción antes del cabo del curso!

Murals fetos con la Capoleitor 3000

26 de diciembre de 2013

Si tos alcordaz, el dotor Escrabazinau fa años que va inventar una maquineta que dichitalizaba tot lo que le meteba. Pos con ixes materials replegaus per toz es nuestros lugars, en primaria hen feto uns murals que’s representan. Asinas, hen puisto viyer parolas del nuestro entorno: petadera, pollín, balandiador, pella, vetiecho, margalida, barana, cadiello, trunfera…

El pase de diapositivas requiere JavaScript.

Fe-te con toz!

19 de abril de 2012

Qué millor traza de aprender cosas de las plantas y es animals que se beyen per estes puestos que chugando. El segundo trimestre nos hen entreteniu en fer un faixo de cartas an podén trobar las suyas caracteristicas: lo que miden, lo que biben, lo que minchan, lo periglosos que son… Con ixo comparán cartas, y el que echa la más fuerte, se lleba la baza. Qui se queda con todas, ye el que gana. Ni que estase esto es pokemons!

El pase de diapositivas requiere JavaScript.

Fotos del taller d’ayer

21 de febrero de 2012

Como ya tos boi contar, ayer nos ba besitar Rafel Vidaller. A trabiés de conoixer como biben es onsos, bon aprender qué atros animals biben per las nuestras selbas, belas plantas y las suyas ulors. Tamién bon gustar mermeladas fetas de frutas que les fan goi a’s onsos, como es martuels, es chordons, las zeresas, es abayons…

Empezipian las actibidaz del Luzía Dueso

18 de febrero de 2012

Este lunes tornan ta’l C.R.A. las actibidaz del proyecto Luzía Dueso. Rafel Vidaller bendrá ta las escuelas de Sarabillo y Chistén a fer el taller “Fendo zenzias naturals”. Agora son troballando animals y plantas en primaria, asinas que nos biene de pistón.

Conforme pase el curso, dirén fendo mas cosas per las atras escuelas, ta que’n toque ta toz!

Folleto Luzía Dueso

El cuento de la raboseta

31 de enero de 2011

Cuan yere chicot a yo me feban el cuento de la raboseta. Asinas que, per qué no contar-se-lo as ninos de infantil y que s’en llebasen un ta casa?

Quies saber como ye? Astí el tiens.


A %d blogueros les gusta esto: