Archive for the ‘infantil’ Category

Animals de casa

19 de junio de 2018

Maitín rematán el curso y toz se levarán a casa es suyos troballos de clase. En infantil hen estau con un proyeto ta conoixer es animals de casa en es dos zagués trimestres. Ha estau tiempo a sobén, ¡pero ha mereixiu la pena!

El pase de diapositivas requiere JavaScript.

Anuncios

Charradas

2 de mayo de 2018

Dimpués de que fa unas semanas nos dasen un Áccesit en el Festival de cine Espiello, continán dando ferrete.

El 9 de mayo participarén con una charrada en las “Jornadas de cine y escuela” del CIFE Juan de Lanuza en Zaragoza.

Per atra parte, una año més nos han trigau ta formá parte del VI Encuentro de Experiencias de Innovación Educativa “Utopías Educativas”. en esta ocasión charrarén de la elaboración de materials educativos con l’aplicación “Scribus”. Aquí ye el vídeo de presentación:

Cuentos d’es Pirineus

29 de enero de 2018

El primer trimestre d’infantil el hen adedicau a conoixer y dramatizar cuentos de la tradición oral d’es Pirineus. Con figuretas con imáns y un cuadernillo con las historias, ¡se’l han pasau de pistón!

El pase de diapositivas requiere JavaScript.

 

Atro curso més sin síndrome posvacacional

26 de julio de 2017

¡Nos viyén el 1 de setiembre!

L’orache

19 de junio de 2017

El tercer trimestre d’infantil el hen estau adedicando a conoixer l’orache. Boiras, nieu, sol… ¡Hen visto de tot! Aparte del cuaderné que i hai en las fotos, es borches s’han levau un imán del suyo lugar an meter l’orache que fa.

El pase de diapositivas requiere JavaScript.

Programa Luzia Dueso

18 de junio de 2017

Un curso més, hen teniu una atividá del Programa Luzia Dueso. Alberto Gracia, mayestro d’aragonés, va venir a contarnos el cuento d’un onset que se diz Belianet. Amés d’ixo, tamién nos va esplicar un poco la vida d’es onsos y, de propina, es borches se van fer caretas. ¡Mersi, Alberto!

El pase de diapositivas requiere JavaScript.

Es maletíns del cuerpo, en El Diario del Alto Aragón

24 de abril de 2017

Nos heben espiguardau y resulta que fa un mes el Diario del Alto Aragón nos va adedicar un rinconé en el suplemento escolar. Van charrar d’es maletíns del cuerpo humano que von fer en el primer trimestre. Si punchaz en la foto, podrez viyer la pachina del periodico.

¡Soi contento!

22 de marzo de 2017

Ya tenén prestos es mostruos de l’animo en infantil del segundo trimestre. A buen seguro que son colgando de las neveras de las casas d’es borches, cambiando d’humor seguntes les paixca a’s dueños: que si ara soi contento, que si ara soi encarrañaú, que si triste… ¡Ya tienen prou faena ta uns diyas!

El pase de diapositivas requiere JavaScript.

San Antón de cartón

24 de enero de 2017

La semana pasada va estar la fiesta de San Antón. En la val de Chistau van salir es trucos a las carreras de toz es lugars a fer callaguar, a pesar d’es volturnos y la fredor. En clase es borches d’infantil tamién se van fer uns trucos, pero estes de cartulina. A pesar de ferlos sin batallo ta que no sonasen, ¡ya se van encargar els de foter buena tarramotera!

L’hortal d’es més chicorrons

27 de junio de 2014

Ya feba diyas que no se sabeba cosa d’es borches d’infantil, pero ye que han estau ocupaus a saberlo. Tos deixo con el cuento qu’han estau fendo es zaguers meses, con el que hen troballau habitos d’alimentación saludables, vocabulario de plantas y produtos del huerto, la secuencia temporal, la atención, la memoria y la letoescritura. No sé si nos hen deixau cosa de meter… 😉

L’hortal de…

03


– ¡No me choca la verdura! ¡Que birolla més aburrida!
Ixeya siempre ye en guerra con es suyos pais cuan le meten de minchar un plato de verdura.
– ¡Pos no i hai atra cosa!
Le diz la suya mai.
E Ixeya que se’n va ta la cama sin cenar…

18


Cuan se despierta, ya no ye en la suya cama.

Pasando pe’l mel medio d’una selva, alavez se da en cuenta de que aquelas plantas son matas d’espinaques.
– ¡Esto ye el hortal de casa! ¿Pos cómo he allegau t’aquí? ¿Y per qué m’he tornau tan chicota?

09


Més ta devant se troba con un caragol.

– ¿Puez aduyarme? ¡Quiero allegar ta casa mía!
-No t’apures, ya te puyo ta una pella.
Dend’alto i habrá buena anvista. Asinas sabrás ta’n pegar.

20


Iván se veye negro de poder cruzar una era de chodigueras. ¡No fa so que enreligarse con es fils! Dimpués d’ixo, a pocas se caye en una ceiquia plena d’augua…
– ¿Y agora como paso? ¡Ya’l sé! ¡Me faré una barca con una vayana!
Y asinas contina la marcha.

15


-¡Viene per este alcorce, qu’allegarás dinantes!
Le diz un top que i hai per alí. Asinas que Marta se fica pe’l forau.

22


– ¡Pos si qu’ha troballato est’animal! ¡Se veyen las carrotas, las trunfas y es napos!
E Guillén ascape torna a salir ta difuera.

12


¡Qué buen puesto ta salir , en medio d’es martuels! Leo le fote un mueso a un.
– ¡Que buen que ye!
Alavez, le entra una soñera que ta qué, y dormiu que se queda…

24


Cuan Ixeya se despierta, veye que ye en la suya cama.
– ¡Ha estau tot un suenio! me paix que d’aquí ta devant me mincharé tot lo que me metan en el plato. ¡No quiero més barucaderas d’estas!

25

Y cuento contau… ¡Per la chubinera s’ha escapau!

 

El pase de diapositivas requiere JavaScript.

 


A %d blogueros les gusta esto: