Archive for the ‘festivals’ Category

Segunda sesión de la “XXIV Muestra de realizadores oscenses”

14 de noviembre de 2017

A estas horas ya serán viyendo las películas de la segunda chornada. Nusatros son preséns con “Esnavesando per internet”, que tamién ha teniu el suyo protagonismo en el Diario del Alto Aragón.

Anuncios

Comencipia la “XXIV Muestra de realizadores oscenses”

13 de noviembre de 2017

Esta tarde será la primera sesión d’esta muestra cinematográfica en  la Diputación Provincial. Tos recordán que contán con dos curtos en el programa fetos en el CEIP Asunción Pañart de L’Aínsa: “A liga de segundo” y “Esnavesando per internet”.

En el “Diario del Alto Aragón” nos han adedicau una chiqueta entrevista que podez viyer punchando en la foto.

Trigaus ta’l XXII Festival de Cine de Zaragoza

9 de octubre de 2017

Esta semana tos don la noticia de que un año més participarén en el Festival de Cine de Zaragoza dentro de la seción “Zaragoza International youth film festival”. L’evento se celebrará del 26 de noviembre al 2 de diciembre, y es nuestros representáns serán “A liga de segundo” y “Esnavesando per internet”, del CEIP Asunción Pañart de L’Aínsa.

Con més de 1800 candidatos que s’han presentau al festival, ¡ye un argüello tener dos curtos en competición!

Cine en aragonés en la “XXIV Muestra de realizadores oscenses”

4 de octubre de 2017

De nuevo es curtos del proyeto Cine en aragonés formarán parte de la “XXIV Muestra de realizadores oscenses” que organizan la Asociación de Fotógrafos AFOTO y la Asociación oscense de realizadores del 13 al 16 de noviembre en Huesca.

Nos representarán “A liga de segundo” y “Esnavesando per internet”, dos de las peliculetas que von fer en el CEIP Asunción Pañart de L’Aínsa.

Entrevista en Espiello

27 de marzo de 2017

Aquí va la entrevista que nos van fer a Yolanda y a yo en Espiello el sabado pasau. ¡Bien repantingaus! Per cierto, de nuevo dan las gracias al festival per dar visibilidá al troballo que fon en aragonés en las aulas de las escuelas de Sobrarbe.

Sabado de cine

25 de marzo de 2017

Este maitín hen estau compartindo esperiencias cinematograficas entre el CEIP Asunción Pañart y el CRA Alto Ara en Espiello. Gracias a la organización del Festival hen puisto presentar una triga de curtos fetos el curso pasau entre Yolanda, la mayestra d’aragonés del CRA y yo en L’Aínsa.

La proyeción ha formau parte de la seción Cachimalla chunto con la película “Anina” y la presentación del Siñal Espiello Chicorrón al Proyeto “La Linterna Mágica”.

Per cierto, ya que i son, este lunes a las 21:30 en el programa “Objetivo” d’Aragón televisión saldrén con un reportache sobre la enseñanza de l’aragonés protagonizau per es borches de la escuela de Plan. ¡A viyer si salen bien guapos!

A clica de L’Aínsa será en Espiello

8 de marzo de 2017

Un año més, y dimpués del paréntesis que nos va tocar sufrir, el proyeto “Cine en aragonés” torna a estar convidau a la Seción Cachimalla del Festival Internacional de Documental Etnográfico de Sobrarbe, Espiello.

El diya 25 de marzo a las 11:00 estrenarén 3 d’es 9 curtos que se van grabar en el curso pasau en el CEIP Asunción Pañart:

A fiesta de pixamas sin fin.

Cinco apellius aragoneses.

Un viache a Estaus chunius.

Estiaño, como novedá, serén acompañaus per La compañera Yolanda Mur y es suyos curtos en aragonés fetos en la escuela de Fiscal. Que buens recuerdos me traye ixe centro… 🙂

Tos asperán. ¡Seguro que disfrutarén d’un estupendo maitín!

Ya en casa

21 de junio de 2016

Dimpués de un cabo de semana una mica ocupau, ya son atra vez en la rutina. Si podén decir rutina a’s zaguers diyas de curso. 🙂

Ayere va estar un diya largo, con la entrega de premios del Festival de Cine de Valencia, y aparte tener que tornar dende alí ta L’Aínsa. El primer premio de la categoría A, en la que participaban la escuela de Fiscal y la De San Chuan, va dir a parar al CEIP El Crist de Meliana (Valencia) con “Amor mortal”. L’acesit el va conseguir el CRA Sella-Orxeta-Relleu de Alicante con “Xssst”.

Es dos años anteriors no heben puisto acudir al festival, pero estiaño sí, y la esperiencia ha estau buenisma. Gran organización, que amés nos ha tratau como si fuesen en casa. Fa goi que troballos fetos en escuelas chicotas de Sobrarbe haigan estau al mesmo nivel que es de centros més grans y con més recursos. Y en el caso del curto de San Chuan, viyer que se proyeta chunto con atros en atras luengas como catalán, gallego, valenciano u euskera ye un argüello. Sobre tot pensando en que el nuestro “Cine en aragonés” se fa con una hora a la semana de clase…

En fin, que la custión ye que l’año que viene podián tornar. 🙂

Esperiencias escolars destacadas en l’Heraldo escolar

15 de junio de 2016

No sabez la ilusión que fa viyer que el troballo que se fa en las aulas tienga repercusión difuera. Un año més, el suplemento escolar de Heraldo de Aragón s’ha alcordau de nusatros en su especial de esperiencias escolars de cabo de curso. Astí podez viyer mencións a las atividaz fetas en es tres centros que he troballau es zaguers cursos en Sobrarbe: CEIP Asunción Pañart, CRA Alto Ara y CRA Cinca-Cinqueta. ¡Mersi!

El pase de diapositivas requiere JavaScript.

 

En es medios

26 de mayo de 2016

Ya se fan eco de la nuestra participación en el XXXI Festival Internacional de Cine de Valencia, Cinema Jove.

Radio Sobrarbe

 

Ganas de vivir

01

 

Sobrarbe digital

 

Sobrarbenses


A %d blogueros les gusta esto: