Archive for the ‘falorias’ Category

El proyeuto Luzía Dueso puya ta Laspuña y Bielsa

23 de abril de 2012

Este chuebes tenén cuentos en ixes lugars con el proyeuto Luzía Dueso. Nos besitará Alberto Gracia, escritor y mayestro d’aragonés en la escuela de L’Ainsa. En uns diyas tenez la cronica de tot lo que pase.

A man zurda, Alberto Gracia replegando el premio de relatos curtos "Luis del Val" en 2009

Anuncios

La enrestida del profesor Mesié

5 de marzo de 2012

Aquí tenez una istoria una mica rematada que bon fer en Bielsa ta’l festibal de Nabidá. Basta pocos diyas dinantes no se me ba ocurrir que podeben fer, y asinas me ba dir, que ta rematar la fayena d’edizión a tiempo ba tocar trasnochar abundante… Suerte que es ninos ban estar profesionals que ta qué, que con el poco tiempo que bon tener, y que en i hai que no charran mica, la cosa ha quedau bien maja. Y como se bei que no’n he teniu prou, agora me paix que prebaren de fer más d’esto con todas las escuelas. Si no se sabe cosa más de yo, será que he crabutau en l’intento!

Y cuento contau…per la chubinera se ha escapau!

28 de junio de 2011

Nos ne bon de bacazions, sí, pero no nos podeben dir sin fer una miqueta de despedida. Bon emplegar belas falorias d’ixas que se feban al canto del fogaril ta fer comedia con moñacos de papel. A biyer si ta la proxima bez tiengo tiempo ta fer-ne belún más, que “L’arangután de las Paniellas”, “El sastre y el muixón” y “El chanrrualla” ya han nabegau per casi tot el Sobrarbe. 😛

El pase de diapositivas requiere JavaScript.

Buen berano y no pasez guaire calor.  A biyer si nos tornán a trobar luego per estas bals!

El que zierne y masa…

14 de junio de 2011

…de todas l’en pasa!

Son aprestando con es de primaria unas obretas con cuentos que se’han feto toda la bida per estes lugars. En las prebatinas de Sarabillo bon tener un problema con es decoraus, que se bei enca no teneban prou apegaus es ganchos an se teneban. Astí ye el bídeo:

Cal que no pase esto cuan fayán las representazions!

Lacuercos

9 de mayo de 2011

Con el buen orache de la primabera paix que salen más d’es foraus… Si tenez ninons paraz cuenta per casa. Echaz un miqueta de zenisa p’el suel ta biyer si en hai belún.

El dotor Escrabazinau ba esnabesar ta Benás

3 de mayo de 2011

Bien pocos conoixen la istoria de este ombre de la bal de Chistau!

Incomprendiu en la suya epoca, ba fer inbentos que ni an hoy se han bisto encara. Ahora, grazias al proyeuto d’animazión cultural Luzia Dueso, es ninos que emplegan el aragonés en la escuela, podrán saber tot lo que le ba pasar al dotor Escrabazinau.

Benás ba estar el primer puesto an ban biyer las tramenas de este ombre y la suya aduyanta, la dotora Ababol.

El cuento de la raboseta

31 de enero de 2011

Cuan yere chicot a yo me feban el cuento de la raboseta. Asinas que, per qué no contar-se-lo as ninos de infantil y que s’en llebasen un ta casa?

Quies saber como ye? Astí el tiens.

Comedias, mosicas y cuentos

22 de diciembre de 2010

Ixo ye lo que bon tener el zaguer chuebes con la Chaminera. Ni la frior nos ba sacar las ganas de achuntar-nos en Plan a sentir cuentos, dichos y canzions. Agora tocará pensar que farén ta’l trimestre siguién, que esto encara no acaba.

La chaminera en Plan

13 de diciembre de 2010

Este chuebes tenén a las 18:00 el proyeuto de animazión Luzia Dueso en Plan. El grupo de teatro “La chaminera” pasarán a fer la obreta “Literatura oral y tradizional”, que son cuentez d’antes en aragonés ta’s chicoz (y ta es grans tamién!) con abundante mosica y bels moñacos. Tos asperán en el salón de la casa el lugar!


A plantar fuerte!

19 de julio de 2010

Tenebe que escribir esto ya fa diyas, pero entre replegar ta tornar ta casa, marchar ta belas chornadas, despedidas, y que tiengo el mes de Chulio ocupau aprestando RetroEuskal, un ebento que organizo en Bilbao, no me eba bagau.

Tos meto las fotos del diya de las luengas, de las obretas de moñacos que bon fer en aragonés a la fin de Mayo.  Ban quedar prou bien, que la clica ba troballar firme ta ixo. Que pasez buen berano y nos beyen per astí per el Sobrarbe a cualisquiera momento.


A %d blogueros les gusta esto: