Archive for the ‘Cono’ Category

Esperiencias escolars destacadas en l’Heraldo escolar

15 de junio de 2016

No sabez la ilusión que fa viyer que el troballo que se fa en las aulas tienga repercusión difuera. Un año més, el suplemento escolar de Heraldo de Aragón s’ha alcordau de nusatros en su especial de esperiencias escolars de cabo de curso. Astí podez viyer mencións a las atividaz fetas en es tres centros que he troballau es zaguers cursos en Sobrarbe: CEIP Asunción Pañart, CRA Alto Ara y CRA Cinca-Cinqueta. ¡Mersi!

El pase de diapositivas requiere JavaScript.

 

Anuncios

Cursa a l’ecomuseo de L’Aínsa

1 de junio de 2016

Este maitín la mainada de 1º hen marchau de vesita a l’ecomuseo de L’Aínsa. Son estudiando es sers vivos, con lo que no podeben deixar pasar la oportunidá de dar una golteta per este espacio de la “Fundación para la Conservación del Quebrantahuesos“. Alí nos han esplicau abundáns cosas sobre las aves rapaces, y basta hen puisto oservar unas cuantas vivas. De camín ta’l museo tamién nos hen parau a mirar el paisache y nos hen puyau a la navata del castiello. En i hai belún que se le veye buena traza, asinas que en uns años igual el tenén baixando pe’l río… 🙂

El pase de diapositivas requiere JavaScript.

 

El cuerpo humano

14 de abril de 2016

Cuasi se nos pasa, pero la semana pasada von salir en el suplemento escolar del Diario del Alto Aragón. Este curso tamién me toca dar las Ciencias Naturals de 1º de primaria, y un d’es proyetos yera el cuerpo humano. Como el curso pasau va funcionar tan bien en Fiscal, he tornau a fer el mural del cuerpo humano. Y se veye que les ha feto goi en el periodico ta sacarlo. 🙂

El pase de diapositivas requiere JavaScript.

 

Dos esperiencias en l’Heraldo Escolar

18 de junio de 2015

Allega la fin del curso, y l’Heraldo escolar se despide basta setiembre. Ha feto un numero especial trigando las esperiencias educativas més destacadas d’este curso seguntes els. Tiengo la suerte de que amanixcan dos mías, una del CRA Cinca-Cinqueta en aragonés, y atra del CRA Alto Ara. Esta zaguera, incluso en portada. ¡Mersi y norabuena a’s borches, que son es protagonistas d’estes troballos con el suyo aprender! ¿Qui diz que en la escuela rural no pueden ferse cosas majas? 😉

Heraldo01

Heraldo02

Heraldo03

Heraldo04

 

Vesita a Lecina

9 de mayo de 2015

Esta semana von estar en Lecina el primer ciclo del CRA Alto Ara. De la man d’una atividá del “Geoparque de Sobrarbe” von conoixer como yera la vida d’es primers pobladors de la comarca y como van fer las pinturas rupestres que podén trobar cerca d’este lugar. Amés von poder viyer la carrasca milenaria, un árbol monumental d’Aragón. La iniciativa ye mui buena, perque permite conoixer la cultura y la diversidá de la comarca nuestra dende la escuela. ¡Aspero que contine per abundáns años!

El pase de diapositivas requiere JavaScript.

Es medios de comunicación

23 de marzo de 2015

Este trimestre nos ha tocau estudiar es medios de comunicación. Una de las cosas que von fer, ye esta presentación sobre cosas que conoixeben: puncha ta viyerlo.

Y ta rematar la fayena, basta nos ha vagau de fer dos periodicos, ta conoixer como se fan y como se redatan las noticias. Se vei que me voi quedar con ganas de ferne més dimpués del curso pasau. 😀

Ta leyerlos no cal més que punchar en las portadas.

02

01

 

Eclipsaus

20 de marzo de 2015

Este maitín hen teniu entretenimento a saberlo con l’eclipse de sol. Cosa normal, perque no toz es diyas en i hai un. 🙂

Jpeg

Gracias a’s pais de la nuestra clase, hen puisto viyer con un filtro como poquet a poquet la luna tapaba el sol sin que nos fese mal a’s güellos. Hen aprendiu que i hai maneras bien fácils de viyerlo: no cal més que foradar con un punchón un papel y meterlo al sol ta que faya güembra. ¡Miraz cuantos eclipses nos han saliu!

Jpeg

Jpeg

Jpeg

Entre que yeren troballando mates, que tamién cal troballar d’atras áreas, hen diu seguindo el eclipse per internet en la web del Espacio 0.42.

01

¡Ah! No tos olvidez de continar votando al nuestro curto de Educación vial una vez al diya. Ya tenén més de 500 votos, ¡mersi!

http://bit.ly/cortosfiscal

La semana que viene, ¡el segundo capitulo! 🙂

I hai vida més allá de l’aragonés

26 de diciembre de 2014

Mira que no chugo a la lotería, y m’ha caito el gordo con el troballo. Este curso soi tutor en el CRA Alto Ara de 1º y 2º de primaria, y dimpués d’este trimestre, puedo decir que soi como en casa, con uns compañers que valen un valer, unas familias majismas, y un alunnau con el que da gusto dir a troballar diya sí y diya tamién.

El CRA troballa Conoximento del medio (Ciencias socials y naturals en LOMCE) per proyetos, asinas que nos toca fernos es materials. Per un canto ye fayena, pero per atro, puez diseñar cosas que s’achustan a lo que quiers fer tú, a la mida d’es borches tuyos, y sin tener que tragar con libros de testo mediocres. Ta’l tema del cuerpo humano hen puisto fer uns cuadernillos y un mural granizo estando es borches es protagonistas. Encara m’habría feto goi troballarlo una mica més, pero el tiempo da ta lo que da. ¡A viyer que nos deparan es siguiens trimestres! 🙂

El pase de diapositivas requiere JavaScript.


A %d blogueros les gusta esto: