Archive for the ‘concursos’ Category

Chicoz artistas en 1º

24 de junio de 2016

Tos meto fotos d’es debuixos que han ganau dos alunnos míos en el XXIV Concurso Comarcal de Sobrarbe. ¡Norabuena, Lizar y Adam F! Tamién cal felicitar al resto de borches, que anque no han ganau, el suyo esfuerzo les ha valiu un chiquet detalle de la comarca. Estas cosas fan goi a saberlo. 🙂

SANYO DIGITAL CAMERA

SANYO DIGITAL CAMERA

Anuncios

Ya en casa

21 de junio de 2016

Dimpués de un cabo de semana una mica ocupau, ya son atra vez en la rutina. Si podén decir rutina a’s zaguers diyas de curso. 🙂

Ayere va estar un diya largo, con la entrega de premios del Festival de Cine de Valencia, y aparte tener que tornar dende alí ta L’Aínsa. El primer premio de la categoría A, en la que participaban la escuela de Fiscal y la De San Chuan, va dir a parar al CEIP El Crist de Meliana (Valencia) con “Amor mortal”. L’acesit el va conseguir el CRA Sella-Orxeta-Relleu de Alicante con “Xssst”.

Es dos años anteriors no heben puisto acudir al festival, pero estiaño sí, y la esperiencia ha estau buenisma. Gran organización, que amés nos ha tratau como si fuesen en casa. Fa goi que troballos fetos en escuelas chicotas de Sobrarbe haigan estau al mesmo nivel que es de centros més grans y con més recursos. Y en el caso del curto de San Chuan, viyer que se proyeta chunto con atros en atras luengas como catalán, gallego, valenciano u euskera ye un argüello. Sobre tot pensando en que el nuestro “Cine en aragonés” se fa con una hora a la semana de clase…

En fin, que la custión ye que l’año que viene podián tornar. 🙂

Ya se saben es ganadors del Concurso d’educación vial

5 de junio de 2015

Y no, no son nusatros. Siempre no se puede ganar, y como ya sabez, lo importán ye participar. 🙂 Dan la norabuena a’s ganadors y tamién las gracias a toz es que nos hez aduyau a allegar basta la final. No yera mica fácil entrar, cuan son una escuela chiqueta y la triga se fa a base de votos. La idea, que yera que es borches aprendesen de educación vial, la hen conseguiu. Y amés, ¡pasándolo bien!

Ta rematar l’asunto, tos deixán con una entrevista que nos van fer ayere en el Aragón en abierto de Aragón televisión. A la fin, esto tamién nos ha valiu ta reforzar el proyeto d’es medios de comunicación, que basta han veniu a la nuestra clase. 🙂

“La historia d’Alcatraz”, finalista del Festival internacional Cinema Jove

25 de mayo de 2015

La historia d’Alcatraz, atro d’es curtos que va fer la escuela de Plan el curso pasau, ha estau trigau como finalista de la  30 edición del Festival Internacional de Cine de Valencia, Cinema Jove. Participará en la seción oficial “Encuentro audiovisual de jóvenes”. Si tos alcordaz, l’año pasau von ganar el 2º premio con “A espluga asesina” de la escuela d’A Espuña. A viyer estiaño si tamién i hai suerte…

Per cierto, aquí tenez el curto, que encara no’l heben estrenau. ¡Asperán que tos faya goi!

¡Finalistas!

20 de mayo de 2015

Dos d’es tres curtos que von presentar la escuela de Fiscal, han entrau en la final d’es “Premios Nacionales de Cortometrajes de Educación Vial“. Querrén dazos las gracias a toz es que nos hez aduyau con el voto vuestro. Sin vusatros no habría estau posible. Ara nos queda asperar a la decisión del churau. A viyer si i hai suerte… 🙂

Race

¡Queda poco ta conseguirlo!

4 de mayo de 2015

El 15 de mayo ye el zaguer diya que se puede votar a’s curtos de educación vial de Fiscal que participan en es “Premios Nacionales de Cortometrajes de Educación Vial“. Precisán que nos dez una mica més d’apoyo ta conseguir estar finalistas. Alcordazos de votarnos toz es diyas a’s tres vídeos y de compartirlos con es botons de facebook y twitter del concurso. Tenez es enlaces al voto al canto a la dreta de la web.

Ye increyible viyer como una escueleta de 30 borches ha conseguiu allegar a més de 2000, 1500 y 1000 votos ta cada vídeo. ¿Qui diz que en la escuela rural no se puede conseguir una educación de calidá en la que se fayan cosas bien pinchas? 🙂

Curto1

Curto2

Curto3

De camino al cole de Fiscal (capítulo 3)

7 de abril de 2015

¡Ya hen tornau de vacacions! Ta meternos en marcha, aquí va el zaguer capitulo de la serie de educación vial que hen feto en Fiscal:

Agora tos toca a vusatros aduyanos. Tenez que votar a’s tres vídeos que hen presentau. Aquí tos deixan es enlaces:

http://bit.ly/cortofiscal_3
http://bit.ly/cortofiscal_2
http://bit.ly/cortofiscal_1

Recordaz que podez votar cada diya a’s tres vídeos dende cada conesión d’internet que tenguiaz. El primer curto ya tiene més de 1000 votos, y el segundo, cuasi 500. ¡Mersi!

De camino al cole de Fiscal (capítulo 1)

17 de marzo de 2015

Este trimestre en la escuela de Fiscal hen estau troballando educación vial. Hen feto una miniserie de tres capítulos de un minuto. Alí contán cómo cal dir ta la escuela del lugar, parando cuenta de las normas que cal seguir y es periglos que nos podén trobar.

La serie la hen presentau a’s “Premios Nacionales de Cortometrajes de Educación Vial“. Si tos fan gois es vídeos, votaznos ta poder estar finalistas del concurso. ¡Cuantos més diyas nos votez, més posibilidaz tenén d’allegar a la final! Podez aduyarnos entrando ta la web del concurso. Puncha en el botón d’abaixo y deixa el tuyo voto. Tamién puez compartirlo en facebook o en twitter:

Boton

Aquí tenez el primer capítulo.

¡Atro premio!

7 de noviembre de 2014

Pero este ye ta yo, que no se’l van a quedar tot es borches. 😀

M’entero per Sobrarbenses que el Centro de Iniciativas Turísiticas de la Bal de Chistau m’ha concediu el 1º premio de la categoría Relatos en el IV Certamen Cultural Bal de Chistau. Me fa muchisma ilusión perque ye un reconoiximento y un aprecio que me fan la chen de casa. ¡Mersi!

Podez leyer el relato baixándolo d’aquí:

L’hespital de Chistén

¡Ah! ¡Y norabuena a toz es ganadors!

CIT

Ya nos ha allegau el premio de Valencia

16 de julio de 2014

Y poco bien que le vendrá al CRA… Con el trofeo y el diploma nos han traito una videocamara. Yerén mirando de comprarne una, y ya no caldrá. Pena de no poder emplegarla nusatros…

Diploma

Premio


A %d blogueros les gusta esto: