Archive for the ‘clase’ Category

¡Curso rematau!

26 de junio de 2017

Un curso més pasau, con un rabaño de momentos ta recordar en todas las escuelas. En este vídeo intentán resumirlo en 7 minutos.

Ha allegau el momento de prener vacancias, pero aspero que en uns meses podián tornar a coincidir. ¡A plantar fuerte!

La clica, portada en la web del CATEDU

27 de noviembre de 2016

Baixo las siglas de CATEDU s’amaga el Centro Aragonés de TEcnologías para la EDUcación. Como podez viyer, la web de la Clica ye portada estes diyas como “Buena práctica educativa“. Da gusto viyer que te reconoixcan es compañers de profesión la fayena feta, e ixo t’anima a continar ta mirar de ferlo encara millor. 🙂

Evolución de l’alunnau d’aragonés en el CRA

3 de octubre de 2016

Esta tarde m’ha dau per mirar a evolución de alunnau que heban teniu las clases d’aragonés en el CRA, y ha saliu esta gráfica:

Este curso son 49, un més que cuan voi empecipiar en 2010, pero tamién con menos alunnau en cheneral en to’l CRA. ¡Continarén troballando firme ta puyar!

Dos esperiencias en l’Heraldo Escolar

18 de junio de 2015

Allega la fin del curso, y l’Heraldo escolar se despide basta setiembre. Ha feto un numero especial trigando las esperiencias educativas més destacadas d’este curso seguntes els. Tiengo la suerte de que amanixcan dos mías, una del CRA Cinca-Cinqueta en aragonés, y atra del CRA Alto Ara. Esta zaguera, incluso en portada. ¡Mersi y norabuena a’s borches, que son es protagonistas d’estes troballos con el suyo aprender! ¿Qui diz que en la escuela rural no pueden ferse cosas majas? 😉

Heraldo01

Heraldo02

Heraldo03

Heraldo04

 

¡Asinas da gusto troballar!

9 de junio de 2015

Una de las cosas que més s’agradixen de la profesión de mayestro ye el sentirse apreciau per la chen que te rodeya en la fayena tuya: compañers, familias, alunnau… Güe ye un d’ixes diyas. ¡Mersi!

Torta

Es medios de comunicación

23 de marzo de 2015

Este trimestre nos ha tocau estudiar es medios de comunicación. Una de las cosas que von fer, ye esta presentación sobre cosas que conoixeben: puncha ta viyerlo.

Y ta rematar la fayena, basta nos ha vagau de fer dos periodicos, ta conoixer como se fan y como se redatan las noticias. Se vei que me voi quedar con ganas de ferne més dimpués del curso pasau. 😀

Ta leyerlos no cal més que punchar en las portadas.

02

01

 

Eclipsaus

20 de marzo de 2015

Este maitín hen teniu entretenimento a saberlo con l’eclipse de sol. Cosa normal, perque no toz es diyas en i hai un. 🙂

Jpeg

Gracias a’s pais de la nuestra clase, hen puisto viyer con un filtro como poquet a poquet la luna tapaba el sol sin que nos fese mal a’s güellos. Hen aprendiu que i hai maneras bien fácils de viyerlo: no cal més que foradar con un punchón un papel y meterlo al sol ta que faya güembra. ¡Miraz cuantos eclipses nos han saliu!

Jpeg

Jpeg

Jpeg

Entre que yeren troballando mates, que tamién cal troballar d’atras áreas, hen diu seguindo el eclipse per internet en la web del Espacio 0.42.

01

¡Ah! No tos olvidez de continar votando al nuestro curto de Educación vial una vez al diya. Ya tenén més de 500 votos, ¡mersi!

http://bit.ly/cortosfiscal

La semana que viene, ¡el segundo capitulo! 🙂

De camino al cole de Fiscal (capítulo 1)

17 de marzo de 2015

Este trimestre en la escuela de Fiscal hen estau troballando educación vial. Hen feto una miniserie de tres capítulos de un minuto. Alí contán cómo cal dir ta la escuela del lugar, parando cuenta de las normas que cal seguir y es periglos que nos podén trobar.

La serie la hen presentau a’s “Premios Nacionales de Cortometrajes de Educación Vial“. Si tos fan gois es vídeos, votaznos ta poder estar finalistas del concurso. ¡Cuantos més diyas nos votez, més posibilidaz tenén d’allegar a la final! Podez aduyarnos entrando ta la web del concurso. Puncha en el botón d’abaixo y deixa el tuyo voto. Tamién puez compartirlo en facebook o en twitter:

Boton

Aquí tenez el primer capítulo.

Atro año més

9 de agosto de 2013

El 9 de setiembre nos viyén pe’l C.R.A. ¡A grabar més nevazos per ixas carreteras! 😉

Escuela rural

22 de mayo de 2012

 


A %d blogueros les gusta esto: