Archive for the ‘chuegos’ Category

¿Qui ye qui?

19 de diciembre de 2016

Remata el trimestre y remata la unidá que hen estau fendo. Se diz “¿Qui ye qui?” y hen troballau espresión oral con un chuego de cartas protagonizau y diseñau per es borches. Tamién hen feto descricións simples y hen conoixiu vocabulario de las partes de la cara a traviés de fichas y atividaz en la losa dichital. No yera difícil, pero caleba troballar, ¡e ixo’l han feto prou bien!

El pase de diapositivas requiere JavaScript.

 

Las cartas en el Diario del Alto Aragón

12 de mayo de 2016

Las cartas que tos contaben l’atro diya tamién han saliu en el suplemento escolar del Diario del Alto Aragón. ¡No parán d’estar noticia! 🙂

01

Un chuego de cartas con animals, plantas…

5 de mayo de 2016

No ye la primera vez que troballo es sers vivos con este chuego de cartas, y la verdá ye que funciona de pistón. Pues troballar vocabulario, y caraterísticas de animals, plantas, fongos de la zona d’una traza divertida. ¡Belún basta se’l leva ta las cursas que fon!

El pase de diapositivas requiere JavaScript.

Abizanda: Fer chuntos un diya d’escuela

26 de abril de 2016

Ayere von estar en Abizanda con toz es atros centros que imparten aragonés en infantil y primaria. Von pasarlo de pistón con Dragoncio y es Titiriteros de Binéfar. Amés von vesitar el suyo museo y l’atalaya. Ta rematar la chornada, von deixar escritas parolas en aragonés per toda la era de la casa d’es titiriteros. Caldrá repetir…

El pase de diapositivas requiere JavaScript.

Programa Luzia Dueso, con las chirmanas Girón

8 de marzo de 2016

El viernes pasau von fer en la escuela la primera atividá del programa Luzia Dueso. Con “Charrín chugán”, Conchi y María José Girón, a traviés del cuento de la raboseta, van fer con un chuego de rols an cada borche teneba que imitar al presonache que le tocaba del cuento. Como podez viyer, von pasar un ratet bien entreteniu.

El pase de diapositivas requiere JavaScript.

¿Halloween? No, la noche de las animas

29 de octubre de 2012

Ya lleván uns años que s’ha metiu de moda la celebración de Halloween ta’s ninos (y es no tan ninos). Que si se disfrazan, que sin replegan lamins, que si se fan crabazas con velas dentro… Total, que resulta que bela cosa d’ixas ya se feba per es lugars del Somontano ta toz es santos. El mierqueles en Radiquero tornan a celebrar la noche de las animas, con las suyas almetas, con es suyos totons y con las suyas crabazas, que no faltan.

Nusatros hen aprovechau las suyas historias ta conoixer las costumbres que i heba per ixes puestos, y de paso, chugar a una especie de chuego de la Oca que han feto con las almetas. A la fin resultará que la fiesta ixa de Halloween tamién ye nuestra. Per si ancaso, les he dicho a’s borches que pregunten en casa a’s suyos güelos, a viyer que cosas podén conoixer de lo que se feba per aquí: cuentos, costumbres,… No tot tiene que estar lo que nos traigan es ingleses u americanos…

Fe-te con toz!

19 de abril de 2012

Qué millor traza de aprender cosas de las plantas y es animals que se beyen per estes puestos que chugando. El segundo trimestre nos hen entreteniu en fer un faixo de cartas an podén trobar las suyas caracteristicas: lo que miden, lo que biben, lo que minchan, lo periglosos que son… Con ixo comparán cartas, y el que echa la más fuerte, se lleba la baza. Qui se queda con todas, ye el que gana. Ni que estase esto es pokemons!

El pase de diapositivas requiere JavaScript.

Fendo matematicas

3 de junio de 2009

L’atro diya nos ban fer una besita Ángel y Toche. Ellos son “A Chaminera” y ban benir con el “Procheuto d’animazión arredol d’a luenga e a cultura aragonesa”. La suya autibidaz se diz “Fendo matematicas”, y ye un taller ta aprender matematicas con chuegos, cantas, adibinetas…

Astí tenez unas fotos con es ninos que fan aragonés.

01

02

03

04

Qui ye qui?

20 de mayo de 2009

Cuan empezipiaba el curso es ninos d’aragonés se ban fer un chuego ta ellos que se diz “Qui ye qui”. Tiens que estar dos ta chugar, y cal adobinar el animal que se le entrefila al atro. Si quiers fer-te-ne un, puez baixar-te lo preziso de aquí. Tiens basta una caixeta ta replegar-te toz es animals.

¿Cómo se chuga? Bien fázil. Primer espardes es bichos per la mesa. Dimpués bas fendo preguntas un al detrás de l’atro a las que sólo puez dezir “sí” u “no”:
¿Tiene coda?
¿Tiene orellas?
¿Ye gran?

Seguntes lo que diga l’atro, bas replegando es animals que beigas que no cumplen con lo que preguntes. Cuan sepas seguro cualo ye el animal de l’atro, el dizes. Si enziertas, ganas, y si no, pierdes la bez.

Animals

os bichos de “Qui ye qui”:
auca, petré, zapo,teixón, paniquesa, ixingardana, bobón, güella, saltapraus, can, berigüeta, apaput, chizardo, rabosa, limaco, coniello, pulz, gurrión, relemeco, mixín, babieca, aliga, falcón, craba.

Olga


A %d blogueros les gusta esto: