Archive for 25 marzo 2016

Luis

25 de marzo de 2016

No febas so que ubrir la puerta de la escuela, y ya te trobabas una sonrisa de bienvenida. Ixo, y aquel sol que entraba per las ventanas, te feba sentir en casa. Una casa en la que viyebas el respeto, almiración y cariño que teneban es borches pe’l suyo profesor. Un compañer del que voi aprender a estar una miqueta més mayestro (anque me falte abundante encara…). M’habría feto goi tornar a troballar con tú ta continar aprendendo, pero no podrá estar. Nos quedarén con es recuerdos, y mirarén de que no s’olvide lo que nos vas enseñar a toz, chicoz y grans. ¡Basta siempre, mayestro!

San Chuan

Anuncios

La clica en Espiello 2016

14 de marzo de 2016

Un año més, el proyeto “Cine en aragonés” será presén en Espiello, el “Festival Internacional de Documental Etnográfico del Sobrarbe”. El sabado 9 d’abril se proyetarán curtos de las escuelas de Bielsa, A Espuña, San Chuan y Saravillo en la seción infantil, “Cachimalla”.

Amés, tamién se podrán viyer es dos curtos que von fer en la escuela de Fiscal el curso pasau en 1º y 2º de Primaria, y si i hai una miqueta de suerte, incluso podría allegar bela sorpresa del CEIP Asunción Pañart en aragonés. 😉

espiello2016

Ta rematar esta entrada, tos meto el trailer de “Sobrarbe que son dos días”, un curto-documental que son aprestando en Espiello sobre la vida cutiana de la comarca, y en el que amanixen las clases d’aragonés del Asunción Pañart. S’estrenará el 8 d’abril en la inauguración del Festival. ¡Promete!

Programa Luzia Dueso, con las chirmanas Girón

8 de marzo de 2016

El viernes pasau von fer en la escuela la primera atividá del programa Luzia Dueso. Con “Charrín chugán”, Conchi y María José Girón, a traviés del cuento de la raboseta, van fer con un chuego de rols an cada borche teneba que imitar al presonache que le tocaba del cuento. Como podez viyer, von pasar un ratet bien entreteniu.

El pase de diapositivas requiere JavaScript.

Cine en aragonés, en la revista “Educación 3.0”

4 de marzo de 2016

La revista “Educación 3.0” adedica un articulo chicot al proyeto de cine que voi desenrrollar estes zaguers años en el CRA Cinca-Cinqueta. Atra vez, l’aragonés se fa visible en medios nacionals gracias a’s curtos d’es borches d’estas escuelas. 🙂

01


A %d blogueros les gusta esto: