Archive for 25 noviembre 2015

Diorama d’animals

25 de noviembre de 2015

En 5º y 6º ta comencipiar las clases von fer un diorama con pixel art. Ta’l que no sepa de que va l’asunto, son debuixos fetos con píxels, como si estasen presonaches de un videochuego clasico. Asti podez viyer uns cuantos animals d’esta traza. ¡Han quedau bien majos!

El pase de diapositivas requiere JavaScript.

La princesa lladre

19 de noviembre de 2015

Quedaba d’estrenar un curto de Saravilllo, y aquí ye.

Con este vídeo remato tot el material pendién que quedaba de la mía etapa en el C.R.A. Cinca-Cinqueta. Aspero que encara nos den bela alegría estes curtos per es festivals de cine. Entremistanto, nos viyén per ixas carreras. El trobarte con alunnau que ha estau en las tuyas clases d’aragonés y que s’alcuerden de tú con una rialleta en la cara, no tiene precio. 🙂

Ya ye el diploma en San Chuan

17 de noviembre de 2015

El diploma del “Festival de Cine de Zaragoza” ta “Las pastilletas“, que von replegar el sabado en Zaragoza, ya cuelga de las parez de la escuela de San Chuan. Tos deixán unas fotos de la gala de proyeción d’es curtos, d’es borches de la escuela este maitín replegando el diploma y tamién, como no, el papelet, que les ha feto abundante ilusión. 🙂

El pase de diapositivas requiere JavaScript.

Este sabado, en el Festival de Cine de Zaragoza

13 de noviembre de 2015

Ta rematar la semana, tos recordán que este sabado a las 10:00 AM tenén una cita en el “4º Certamen Internacional de Escolares” del “Festival de Cine de Zaragoza”. Se proyetará “Las pastilletas” de la escuela de San Chuan, chunto con el resto de finalistas en el Salón d’Atos de Caixaforum Zaragoza (C/ José Anselmo Clave, 11) con entrada libre.

¿An ye el can? en la XII Muestra de Realizadores Oscense

12 de noviembre de 2015

Si el martes le tocaba a la escuela de Saravillo, esta tarde ye ta la escuela de Plan. El curto “¿An ye el can?” será proyetau a las 20:45 en el teatro Olimpia de Huesca dentro de la XXI edición de la “Muestra de Realizadores Oscense“.

El curto tamién sale nombrau en el Diario del Alto Aragón.

SANYO DIGITAL CAMERA

 

 

 

Y encara nos queda més citas con el cine esta semana… 😉

Fosals en L’Aínsa

11 de noviembre de 2015

Estes diyas de dezaga s’ha celebrau Toz es Santos, pero tamién Halloween, un costumbre que en es zaguers tiempos s’ha metiu de moda. Ye normal, ya que fer comedia con disfraces y fartarse de lamíns ye un buen plan ta’s borches. Dende las mías clases ya fa uns años que miro de fer viyer que en Aragón tamién i hai tradicións paixidas y que no conoixén, como per ixemplo, La nuet de las Animas de Radiquero.

Pero como lo que més les choca a’s chicoz ye l’asunto del miedo y es disfraces, con el cuento de tornarse mostruos, hen montau un fosal con zombis, vampiresas, hombres y mullers lobo… Una desincusa como cualquier’atra ta conoixer partes del cuerpo en aragonés sin que se den en cuenta. 😉

El pase de diapositivas requiere JavaScript.

 

Una semana de cine

10 de noviembre de 2015

Esta semana von a estar bien ocupaus per ixes mundos con las nuestras películas, asinas que tos dirén dando noticias pe’l blog.

Esta tarde se proyeta en Huesca dentro de la “XXII edición de la Muestra de Realizadores Oscense” el curto de Saravillo “La era d’es dinosaurios“. Será a las 20:30 en la Diputación Provincial. El Diario del Alto Aragón s’ha feto eco del troballo de las escuela de Saravillo en el reportache sobre la muestra.

 

 

Continarén informando, que encara tenén més citas con el cine, y amés en L’Aínsa ya empecipian a rematarse las primeras atividaz fetas en clase. ¡Caldrá enseñarlas! 🙂

En el Diario del Alto Aragón

5 de noviembre de 2015

Son noticia en la seción escolar del Diario del Alto Aragón. 🙂

01

Atra sobre premios

3 de noviembre de 2015

Me cuentan del Centro de Iniciativas Turísiticas de la Bal de Chistau que en el V Certamen cultural que organizan he quedau segundo en el concurso de relatos con “La lit” (si quies leyerlo, puncha en el nombre ta baixarlo) y tercer en la convocatoria de foto, con esta marmota tan pincha.

Marmota

Como siempre, me fa abundante ilusión recibir premios, y més cuan vienen de la val. Cal agradeixer el troballo que fan cada año convocando el certamen, que asinas s’anima una miqueta el panorama cultural d’estes lugars. Ah, y ¡norabuena tamién a’s atros ganadors!


A %d blogueros les gusta esto: