Archive for 28 junio 2014

El premio Cinema Jove, en es medios

28 de junio de 2014

Es medios de comunicación tamién s’han feto eco del premio de Valencia.

Radio Huesca

En las noticias de Radio Sobrarbe:

Anuncios

L’hortal d’es més chicorrons

27 de junio de 2014

Ya feba diyas que no se sabeba cosa d’es borches d’infantil, pero ye que han estau ocupaus a saberlo. Tos deixo con el cuento qu’han estau fendo es zaguers meses, con el que hen troballau habitos d’alimentación saludables, vocabulario de plantas y produtos del huerto, la secuencia temporal, la atención, la memoria y la letoescritura. No sé si nos hen deixau cosa de meter… 😉

L’hortal de…

03


– ¡No me choca la verdura! ¡Que birolla més aburrida!
Ixeya siempre ye en guerra con es suyos pais cuan le meten de minchar un plato de verdura.
– ¡Pos no i hai atra cosa!
Le diz la suya mai.
E Ixeya que se’n va ta la cama sin cenar…

18


Cuan se despierta, ya no ye en la suya cama.

Pasando pe’l mel medio d’una selva, alavez se da en cuenta de que aquelas plantas son matas d’espinaques.
– ¡Esto ye el hortal de casa! ¿Pos cómo he allegau t’aquí? ¿Y per qué m’he tornau tan chicota?

09


Més ta devant se troba con un caragol.

– ¿Puez aduyarme? ¡Quiero allegar ta casa mía!
-No t’apures, ya te puyo ta una pella.
Dend’alto i habrá buena anvista. Asinas sabrás ta’n pegar.

20


Iván se veye negro de poder cruzar una era de chodigueras. ¡No fa so que enreligarse con es fils! Dimpués d’ixo, a pocas se caye en una ceiquia plena d’augua…
– ¿Y agora como paso? ¡Ya’l sé! ¡Me faré una barca con una vayana!
Y asinas contina la marcha.

15


-¡Viene per este alcorce, qu’allegarás dinantes!
Le diz un top que i hai per alí. Asinas que Marta se fica pe’l forau.

22


– ¡Pos si qu’ha troballato est’animal! ¡Se veyen las carrotas, las trunfas y es napos!
E Guillén ascape torna a salir ta difuera.

12


¡Qué buen puesto ta salir , en medio d’es martuels! Leo le fote un mueso a un.
– ¡Que buen que ye!
Alavez, le entra una soñera que ta qué, y dormiu que se queda…

24


Cuan Ixeya se despierta, veye que ye en la suya cama.
– ¡Ha estau tot un suenio! me paix que d’aquí ta devant me mincharé tot lo que me metan en el plato. ¡No quiero més barucaderas d’estas!

25

Y cuento contau… ¡Per la chubinera s’ha escapau!

 

El pase de diapositivas requiere JavaScript.

 

Es dvds de la clica

26 de junio de 2014

Ya tenén presto el segundo volumen d’es videos de la Clica del Cinca-Cinqueta. En i hai un ta cada casa, ta que tiengan entretenimento es borches en el verano y les rompan el crabacín a’s pais repetindo y repetindo es curtos en la tele. 😉

Dvd

“A espluga asesina”, 2º premio en o 29 Festival Internacional de Cine de Valencia Cinema Jove

24 de junio de 2014

¡Norabuena a’s borches d’A Espuña! Fa un rato nos han comunicau que han ganau o 2º premio d’a seción “Encuentro Audivisual de jóvenes” d’o Festival Internacional Cinema Jove de Valencia en a categoría de primaria con o curto “A espluga asesina”.

El premio ye dotau con un lote de material audiovisual, trofeo y diploma acreditativo. O que hemos viviu estiaño será difícil de tornarlo a repetir… ¡Increyible! ¡Mersi a toz!

Aquí tos deixamos a presentación pa’ proyeción que fayón en Valencia d’o curto, y per suposau, o video ganador.

 

 

En busca d’es tesoros d’es Traquibulis

16 de junio de 2014

Dos mesaches marchan en busca d’aventuras per la Selva de San Chuan.

De cursa per Port Aventura

14 de junio de 2014

Son de cabo de semana per Tarragona con cinco borches de Plan. Nos toca disfrutar del premio del Heraldo escolar que van ganar con el suyo troballo. Se’l son pasando de pistón, y no van a deixar sin prebar denguna de las atracions del parque. ¡Cualquiera es sigue…!

El pase de diapositivas requiere JavaScript.

 

La casa de moñas

9 de junio de 2014

Un d’es dos videos que yeran pendients del curso pasau de la escuela de San Chuan. A la fin allegarán a cabo de curso…


A %d blogueros les gusta esto: