Archive for 22 mayo 2014

La cosecha replegada

22 de mayo de 2014

Como von prometer, aquí van unas fotos de toz es premios que hen replegau estes zaguers diyas con es que s’es han ganau, es borches.

El primer, el siñal Espiello Chicorrón del Festival de cine Espiello de Boltaña:

IMG_1382 IMG_1381 IMG_1373 IMG_1371 IMG_1363 IMG_1278

Dimpués, en la escuela de Chistén, el diploma de finalistas de la categoría de “valores educativos y ciudadanos” en el Festival de Cine de La Almunia.

IMG_1360

Ta rematar, en la escuela de Plan el premio de ganadors del concurso “Tu heraldo” convocau per l’Heraldo d’Aragón.

IMG_1297

Y per si no’n teneben prou, esta semana nos han dito que el curto d’A Espuña, A espluga asesina, ye trigau ta competir en Chuniol en el “Encuentro Audiovisual de Jóvenes”  del 29 “Festival Internacional de Cine de Valencia – Cinema Jove“. ¡Norabuena!

Logo Cinema Jove

 

La tesis del dotor Escrabazinau y la dotora Ababol

20 de mayo de 2014

Pos sí, ya son per las nuestras clases atra vez ixes dos matracos. Agora con el estudio en forma de tesis de las suyas investigacions con la capoleitor, esta vez en la versión 4000.

Si tos alcordaz, a comencipiadura de curso von acabar uns murals que troballaban vocabulario del nuestro arredol.

Es dibuixos yeran toz resultau d’es esperimentos d’estes dos cientificos. Agora, con este libret, y con es apegallos que soi repartindo a’s ninos, son viyendo como tot este vocabulario se diz en las otras luengas que estudian en el CRA: castellán, francés e inglés. Y encara queda puesto ta meterlo en atro idioma més el que sepa.

El pase de diapositivas requiere JavaScript.

Ta completar el álbum cal pedir aduya a’s mayestros de inglés y francés, y el que no escriba todas las parolas en el suyo album, se queda sin cromos a la semana siguient. ¡Ya pueden troballar firme si quieren rematar la coleción antes del cabo del curso!

En el Fescila

18 de mayo de 2014

Ayer va estar la entrega de premios del Fescila, Festival de cine de La Almunia. Alí nos van fer entrega del diploma de finalistas a’s borches de la escuela de Chistén per el suyo curto “Uns ninos granizos“. Tos deixán unas fotos de la ceremonia.

El pase de diapositivas requiere JavaScript.

En cuanto reparta en las escuelas toz es premios, ¡ya colgarén una galería fotografica d’es verdaderos protagonistas!

La semana que viene, a replegar premios

9 de mayo de 2014

Pos ixo, que el martes baixarén ta Zaragoza a replegar el premio del Heraldo Escolar per el periodico de Plan feto per la colla “Planenses pe’l mundo”. La entrega se fará en el “Centro de arte y tenolochía” Etopía a las 18:00.

01

 

El sabado tendrén que acudir a La Almunia de Doña Godina al Fescila, el suyo festival de cine. Alí nos darán el diploma de finalistas de la categoría “Valores educativos y ciudadanos” per le curto feto en Chistén, “Uns ninos granizos“. Cal dar la norabuena al vídeo ganador en la categoría de infantil y primaria, “La hormiga amarilla“, del CEIP Nertóbriga.

Fescila

L’aragonés del C.R.A. sale de l’aula

2 de mayo de 2014

Este mes de mayo las clases d’aragonés del C.R.A. Cinca-Cinqueta no se quedan sólo en las nuestra aulas.

Dende fa unas semanas, y tot este mes, es borches qu’acuden al CRIE Venta del Olivar de Zaragoza, son conoixendo l’aragonés a traviés de las atividaz que fan es ninos d’es nuestros lugars. Aprenden que i hai atras luengas que se charran en Aragón, y pueden sentirlas y leyerlas con es cuentos, peliculas, periodicos, etc. que se troballán en las nuestras clases.

Criez

El 9 de mayo a las 19:00 las peliculas de la clica serán presents en las XXI chornadas d’as luengas d’Aragón en el Centro Joaquín Roncal de Zaragoza.

Chornadas

Ta rematar el mes, el diya 31 de mayo faré una ponencia en “Encuentro Edutopia”, una trobada d’esperiencias innovadoras educativas que se celebra en el “Centro de Arte y tecnología Etopia” de Zaragoza.

Edutopia

¡Esto ye un no parar!


A %d blogueros les gusta esto: