Archive for 28 abril 2014

L’empentón final

28 de abril de 2014

Ya tenén comencipiau el zaguer trimestre, y cuan nos querrián dar encuenta, serén a cabo del curso. ¡A viyer si nos vaga de fer tot!

Tos metén per aquí l’heraldo escolar an van anunciar el premio d’es borches de Plan. Punchando en la imachen, podrez baixarlo ta leyerlo.

2014-04-09 Heraldo

Seguntes nos cuentan, la entrega de premios se celebrará el 14 de mayo en una gran gala en Zaragoza. Es ganadors amés d’un regalo sorpresa, disfrutarán d’un cabo de semana en Port Aventura, a birolla y cama. Ta’l C.R.A. tenén un 25% de descuento en compra de material escolar ta un  año y un lote de material escolar valurau en 500 euros.

Ta rematar la entrada, astí van unas fotos leendo es periodicos de toz es lugars (u féndolo viyer…).

El pase de diapositivas requiere JavaScript.

 

Entrega de premios de Espiello 2014

13 de abril de 2014

Ayer va estar la entrega del “Siñal Espiello Chicorrón” en el Palacio de Congresos de Boltaña. Per estar es primers en replegar premio, se van trafucar  con el trascurso de la gala y a pocas no pueden puyar es borches al escenario, que yerán es protagonistas… Suerte que el von poder remediar a la fin con la foto de familia con toz es premiaus. Cal dazos las gracias a toz: ninos, ninas, pais, mais, vecins, mayestros… ¡Sin vusatros, tot esto no sería posible!

El pase de diapositivas requiere JavaScript.

Este sabado tos esperán en Boltaña

10 de abril de 2014

Este sabado a las 20:45h, en el Palacio de Congresos de Boltaña, ye la ceremonia de clausura del Festival Espiello. Alí nos farán entrega del “Siñal Espiello Chicorrón”. ¡A viyer si podén estar con abundantes borches de la clica ta replegar el premio!

Boltaña

 

Planenses pe’l mundo, premiaus en el concurso de l’Heraldo escolar

9 de abril de 2014

¡Norabuena a Itziar, Javier, Julia, Mirta y Simón! El suyo periodico ha resultau un d’es ganadors del concurso que va convocar l’Heraldo escolar ta celebrar es 1000 numeros de la suya publicación. Ixo no quita que’s atros borches del C.R.A. troballasen firme, ¡y fesen uns periodicos bien pinchos!

Heraldo

Heraldo de San Chuan

5 de abril de 2014

Y con esta remesa, rematán esta semana tan alparcera. Es borches de San Chuan han feto dos periodicos. Como de costumbre, punchando en la foto se pueden leyer.

Es matracos: Héctor, Joel, Mario, Silbán y Teo.

San Chuan 2

 

Es charramplas: Adrián, Nerea, Raúl y Sergio.

San Chuan 1

Heraldo de Bielsa

4 de abril de 2014

A viyer que nos cuentan es belsetans. Se veye que abundantes cosas, perque da ta dos publicacions… Puncha en las miniaturas pa leyerlo.

L’Heraldo d’es ninnos: Carlos, Carymar, Nadia, Natalia, Valeria y Zilia.

Bielsa 2

 

La prensa belsetana: Alejandro, Jerome, José Antonio, Pedro y Steven.

Bielsa 1

Heraldo d’A Espuña

3 de abril de 2014

Continamos rodando per o C.R.A. Aquí son os dos periodicos d’A Espuña. Pa viyerlos, cal punchar en as miniaturas.

Naide ye especial: Alex, Izar, Rafa y Victoria.

A Espuña 1

 

Laspuescolar: Carlos, José, Lucas y Tania.

A Espuña 2

Este sabado, la clica en Espiello

2 de abril de 2014

Estiaño es curtos de la clica  tamién serán presents en la programación de Espiello, el “XII Festival Internacional de Documental Etnográfico de Sobrarbe”. Se proyetarán El sabado 5 d’abril a las 11:45h en el Palacio de Congresos de Boltaña en la seción Cachimalla, chunto con la pelicula infantil d’animación Ernest & Célestine.

cartel2014_web

Heraldo de Plan

2 de abril de 2014

Pasán a viyer es periodicos de Plan, que’n i hai dos. Disposables ta baixar dende mediafire punchando en las miniaturas.

Es planeadors: Audric, Noelia, Reina, Miguel e Isabel.

Plan 2

Planenses pe’l mundo: Itziar, Mirta, Julia, Javier y Simón.

Plan 1

“Uns ninos granizos”, finalista del Festival de Cine de La Almunia

1 de abril de 2014

¡Es borches de Chistén continan estando noticia! El suyo curto “Uns ninos granizos” ha estau trigau finalista de la categoría “Valores Educativos y Ciudadanos” del Festival de Cine de La Almunia de Doña Godina. L’año pasau ya nos von levar diploma con “Cheleras de berano”. A viyer si estiaño toca…


A %d blogueros les gusta esto: