Archive for 29 diciembre 2013

Fotos de la entrega del Paseo Project Mini

29 de diciembre de 2013

Ya fa uns diyas que nos van dar el trofeo en eTopia, el centro de arte y tenolochía de Zaragoza.

01

Entre unas cosas y atras, no me heba vagau de meter las fotos. Irene y Victoria no se’l van querer perder y van baixar a replegar el premio. La chent de la Fundación les van fer una cursa per las istalacions y esposicions  de eTopia, y per lo que me van contar, se’l van pasar en gran.

Fotos de la entrega de premios: DANIEL PEREZ

El pase de diapositivas requiere JavaScript.

Tamíen podez viyer un video que von aprestar ta la ceremonia de la nuestra visita a Linz en setiembre.

Murals fetos con la Capoleitor 3000

26 de diciembre de 2013

Si tos alcordaz, el dotor Escrabazinau fa años que va inventar una maquineta que dichitalizaba tot lo que le meteba. Pos con ixes materials replegaus per toz es nuestros lugars, en primaria hen feto uns murals que’s representan. Asinas, hen puisto viyer parolas del nuestro entorno: petadera, pollín, balandiador, pella, vetiecho, margalida, barana, cadiello, trunfera…

El pase de diapositivas requiere JavaScript.

¡Que pasez buenas fiestas!

22 de diciembre de 2013

En el C.R.A. ya son de vacancias, que ya caleban. A viyer si cargán pilas y de paso, rematán fayenas pendients, que no tos pensez que ye estar to’l diya en la mosquera. Que pasez buens diyas y no minchez desmasiau, ¡que dimpués  no tos valdrá la ropa!

Ixe soi yo

17 de diciembre de 2013

Ya casi son de vacancias, asinas que cal arrocegarse ta casa lo que’n feto en clase este trimestre. Es borches d’infantil se levan un maletín bien picho, con els dentro plegaus. D’ixa traza hen visto como se dicen belas partes del cuerpo en aragonés.  La pena ta’s pais ye que no puedan fer igual, replegar a’s suyos fillos en un maletín cuan no fan so que moltiar per casa…

El pase de diapositivas requiere JavaScript.

La clica del Cinca-Cinqueta, premiada con el Siñal Espiello Chicorrón 2014

14 de diciembre de 2013

Dende la comarca del Sobrarbe nos han feto allegar una carta an nos comunican que nos han concediu el Siñal Espiello Chicorrón en la edición 2014 de Espiello, el Festival Internacional de documental etnográfico del Sobrarbe.

Seguntes nos dicen, ye un “reconocimiento a la labor de recuperación y dignificación de la lengua aragonesa así como su difusión entre los niños de nuestra comarca, utilizando la tecnología y los medios audiovisuales para adaptarla a nuestros días“.

La entrega del premio se fará el sabado 12 d’abril en el palacio de congresos de Boltaña, asinas que alí serén toz es que podián ta replegarlo. ¡Norabuena a’s borches!

Espiello

Soz convidaus…

10 de diciembre de 2013

La Fundación Zaragoza Ciudad del Conocimiento y Etopia Center for Art&Technology, en colaboración con Ars Electronica y el Ayuntamiento de Zaragoza, le invitan a asistir a la ceremonia de entrega de los Premios Paseo Project 2013, que tendrá lugar en el auditorio de Etopia el jueves 19 de diciembre de 2013 a las 19 horas“.

Paseoproject


A %d blogueros les gusta esto: