Archive for 15 septiembre 2013

Fotos de la presentación en Linz

15 de septiembre de 2013

Y ta rematar ya la sesión de fotos, tos cuelgo de la presentación, que encara no me las heban pasau. ¡Y no las podebe fer yo en ixe momento!

El pase de diapositivas requiere JavaScript.

Anuncios

Galería de fotos

9 de septiembre de 2013

Ya son atra vez a la marcheta de toz es diyas: conoixendo a’s compañers nuevos y saludando a’s que son de contino u repiten.

Ya més tranquilos y en casa, aquí van una zarpada de fotos de las nuestras aventuras per Linz. Una ciudat bien pincha, de diya y de nuet.

El pase de diapositivas requiere JavaScript.

El sabado me voi quedar sin batería ta poder grabar una miqueta de la Klangwolke, el espetaculo audiovisual que fan al canto del Danubio y que estiaño yera adedicau al mosico Anton Bruckner. Per suerte, en estes tiempos, no cal més que rechirar en youtube ta trobar videos que te fayan la vez.

Con esta cursa, hen preniu fuerzas abundantes ta empecipiar el curso con ganas. ¡A troballar!

Tornando ya ta casa

8 de septiembre de 2013

Ya son en el tren de camín ta Viena. S’han pasau estes diyas sin darnos en cuenta, y maitín ya toca enganchar. Nos ha faltau tiempo ta poder disfrutar de tot lo que i heba en Linz, pero es diyas sólo tienen 24 horas y cal dormir… En cuanto podián, tos colgarén el reportache del viache, ta que to’l mundo sia partícipe de esta oportunidat que han teniu Victoria e Irene.

Tenén que dar gracias a José Carlos, de la Fundación Zaragoza Ciudad del Conocimiento, y Mariano de Paseo Project Mini. Nos han llevau en palmetas a toz es puestos, y estando una compañía de lo més agradable. ¡Con chent asinas, puez marchar ta la fin del mundo!

Primer diya capuzau

6 de septiembre de 2013

Dimpués d’un largo diya de esperiencias nuevas, son descansando una miqueta en l’hotel ta tornar a prener fuerzas.

El maitín ha empecipiau fuerte, con la vesita al Ars Electronic Centre. Lo primer que hen feto ha estau darnos una gambiadeta per tot es montaches e instalacions. I heba un rabaño, e Irene y Vitoria  se’l han pasau bomba, perque aquí tot ye tocar, esperimentar, participar…

Allá a la una, dimpués d’atender a una entrevista de Radio Zaragoza (¡a estas ninas las contrato de relacions publicas pero ya!), ha tocau presentar el nuestro proyeto de cine en aragonés. La chent ha quedau prou impresionada de la fayena qu’han feto toz estes borches. ¡Incluso el diretor del festival nos ha felicitau!

Dimpués de minchar un plato de pasta con camparols en el restaurant del museo Lentos d’arte moderno de Linz, nos hen ficau a viyer belas esposicions que teneban. Hen puisto disfrutar d’obras de chent que de seguro tos suena a’s més estudiosos: Warhol, Klimt,… y ta’s frikis como yo, Giger, el que va diseñar el mostruo d’Alien.

Ta rematar la tarde, nos n’hen diu ta’l OK centrum, ta viyer unas cuantas instalacions d’arte. Alí hen aprendiu que basta con las gallinas se puede fer arte. Asinas que ya sabez: si tenez un corral en casa, ¡tamién podez estar creativos!

El pase de diapositivas requiere JavaScript.

¡Saludos dende Linz!

5 de septiembre de 2013

Bien sotobaus de esnavesar per ixes mundos dende las 5 del maitín, pero ya son en l’hotel. Astí tenez una foto de las vistas que tenén per la ventana. En un rato, a ver que fon, si marchán a cenar ta’l centro, ¡o cayén muertos en la cama!

Linz

Entrevista en Radio Huesca

5 de septiembre de 2013

Astí va la entrevista en el programa Hoy por Hoy de Radio Huesca del martes pasau. Ta que tos entretenguiaz entremistanto allegan nuevas de Linz.

Noticias, entrevistas… ¡Esto ye un no parar!

4 de septiembre de 2013

Tos cuelgo la noticia que van emitir l’atro diya en radio Sobrarbe sobre la cursa ta Linz.

Este maitín, entre maleta y maleta en San Chuan, tamién han gritau de Radio Huesca ta ferme entrevista. A viyer si la puedo meter per aquí dinantes de marchar.


A %d blogueros les gusta esto: