Archive for 22 abril 2013

“Cheleras de berano” en O diya d’a luenga materna

22 de abril de 2013

Este sabado 27 d’abril, el Centro Joaquín Roncal (plaza San Braulio, 5, Zaragoza) estará el escenario de la celebración del Diya de la Luenga Materna. Este acto ye organizau per Rolde de Estudios Aragoneses, con l’apoyo de Unesco Aragón, y la colaboración de las asociacions culturals Bente d’Abiento y O Trango, y de la Fundación CAI-ASC, así como con la participación de atras entidaz, centros escolars, grupos musicals…

Se dará a conoixer la fayena en las escuelas, tanto de Zaragoza como d’atras localidaz aragonesas, en relación con la enseñanza de la luenga aragonesa y, per estensión, del troballo de educadors y escolanos. El C.R.A. Cinca-Cinqueta estará representau pe’l curto que van fer es ninos de Saravillo: “Cheleras de berano”.

Chárrame en aragonés

En Espiello

21 de abril de 2013

Ayer von estar en la proyeción d’es nuestros curtos en la seción Cachimalla d’Espiello. Lo primer de tot va estar la entrega de premios de Chiquiespiello. Silbán, Lucía y Carlos van quedar finalistas, asinas que cal felicitarlos.

A continación von viyer es tres videos que yeran programaus. El nuestro va gustar abundante, y von salir a comentarlo una miqueta con es espetadors de la sala. Ta rematar el maitín, Encantarias va fer una animación infantil, con lo que se nos va pasar el rato en un volau.

El pase de diapositivas requiere JavaScript.

La clica en Espiello

14 de abril de 2013

La semana que viene empecipia Espiello, el festival  de documental etnografico de la comarca del Sobrarbe. El sabado diya 20 d’abril, a las 11:55, en la seción CACHIMALLA adedicada a’s més chicoz. se proyetarán es curtos que von fer el curso pasau. Estará el montache final, con las introducions  que hen grabau ta achuntarlos toz en un dvd que s’aprestará ta este trimestre.

Punchaz en el cartel si querrez viyer tot el programa del festival.

cartel-2013

L’hibierno

12 de abril de 2013

Ya’l hen pasau, anque encara nos quedará bel diya per astí que faya mal orache. Pero no tot ye malo en l’hibierno. Si no, que le’n pregunten a’s borches d’infantil, que s’han pasau el trimestre fendo un cuadernet sobre esta estación del año, y els siempre troban cosas buenas a estes meses de fredor.

El pase de diapositivas requiere JavaScript.


A %d blogueros les gusta esto: