Archive for 31 diciembre 2012

Cuentos d’es Pirineus

31 de diciembre de 2012

En infantil hen estau  troballando con la tradición oral de la montaña. Con uns cuentos e imans, hen diu féndolos en clase, chunto con bela ficheta relacionada. A la fin, tot el mundo s’ha llevau ta casa el suyo libret y es suyos imans. Ya tos irén metendo todas las historias ta leyerlas.

El pase de diapositivas requiere JavaScript.

Anuncios

Fosals de zombis

28 de diciembre de 2012

Von a meternos al diya, que con la fayenas de clase nián me vagaba de publicar bela cosa per aquí. Con el cuento de toz es santos y el halloween, von continar la tematica del terror en noviembre. Asinas que nos von fer uns zombis dentro de la fuesa, y de paso, von troballar vocabulario de las partes del cuerpo: clavillars, maniquiellos, crabacins, garras, ancas,… L’unico, que estes zombis se paixeban desmasiau a’s ninos de clase. Yo per si ancaso, miro de no estarie en l’aula con els a escuras, no sia que me fotan bel mueso…

El pase de diapositivas requiere JavaScript.


Dondiando, dondiando, veis cosas

9 de diciembre de 2012

Dicen que si el estar mayestro itinerante no ye guaire güen, que si el periglo, que si es kilometros que fas, el gasto del coche… Pero que quiers que te diga, cuan te trobas con bichos que d’atra traza no podrías viyer, ¡me pienso que tiengo muchisma suerte!

Esquirol

Ixe esquirol me’l voi cruzar baixando de Saravillo, y a la curva Las Forcas me va blincar un picapuercos, pero no se va parar a posar como est’atro…

¡Que i haiga salut!

1 de diciembre de 2012

Que ye lo que se diz cuan no te toca la lotería de navidat. 🙂

Este maitín ha estau la entrega de premios del Festival de cine de Zaragoza, en el palacio de congresos. A la fin, en la seción que participaben, el premio ha estau ta’l istituto de educación secundaria Miguel Servet con el curto “Buenos días”:

A yo me ha paixiu un chusto ganador per la historia que cuenta, el fondo y pe’l güen troballo d’estes mesaches. ¡Noragüena!

Nusatros nos quedán de finalistas, que contando con que yera un festival que participaban troballos de toda España, ¡tiene merito agundante! D’es més de 50 curtos presentaus, 7 yeran nuestros, con lo que cuasi el 14% de la produción veniba del nuestro C.R.A. Y lo més importán, en aragonés, la luenga nuestra. Ta que dimpués digan que no se troballa en la escuela rural. Son pocos, pero cundín que ta que. ¡Y lo que queda!

El pase de diapositivas requiere JavaScript.


A %d blogueros les gusta esto: