Archive for 29 octubre 2012

¿Halloween? No, la noche de las animas

29 de octubre de 2012

Ya lleván uns años que s’ha metiu de moda la celebración de Halloween ta’s ninos (y es no tan ninos). Que si se disfrazan, que sin replegan lamins, que si se fan crabazas con velas dentro… Total, que resulta que bela cosa d’ixas ya se feba per es lugars del Somontano ta toz es santos. El mierqueles en Radiquero tornan a celebrar la noche de las animas, con las suyas almetas, con es suyos totons y con las suyas crabazas, que no faltan.

Nusatros hen aprovechau las suyas historias ta conoixer las costumbres que i heba per ixes puestos, y de paso, chugar a una especie de chuego de la Oca que han feto con las almetas. A la fin resultará que la fiesta ixa de Halloween tamién ye nuestra. Per si ancaso, les he dicho a’s borches que pregunten en casa a’s suyos güelos, a viyer que cosas podén conoixer de lo que se feba per aquí: cuentos, costumbres,… No tot tiene que estar lo que nos traigan es ingleses u americanos…

Audio de la entrevista en radio Sobrarbe

12 de octubre de 2012

Aquí tos deixo l’audio de l’atro diya, ta que’l podiaz sentir es que no soz per la redolada del Sobrarbe u no voz poder meter la radio en marcha.

¡Claustro de mayestros d’aragonés!

5 de octubre de 2012

Igual me paso una mica decíndolo d’ixas trazas, pero güeno… El lunes 8 de otubre a las 11:00 del maitín sale en Radio Sobrarbe una entrevista a’s tres mayestros que impartín aragonés en el Sobrarbe: Roberto Serrano en educación d’adultos, Alberto Gracia en la escuela y l’instituto de L’Ainsa y un servidor, que para per las escuelas del C.R.A. Cinca-Cinqueta.

Las frecuencias an se puede sentir Radio Sobrarbe son el 99.2 y 107.5 de FM.


A %d blogueros les gusta esto: