Archive for 29 junio 2012

L’aragonés en l’aula

29 de junio de 2012

Este maitín ha estau la presentazión en Uesca. Compañers d’atras escuelas han puisto conoixer una miqueta qué ye ixo de enseñar en aragonés. Y ellos han amostrau las cosas que fan en es suyos zentros, que tamién teneban agundantes cosas que contar. Astí tenez la presentazión que he emplegau. Se bei que les ha gosau fer goi!

La primavera

28 de junio de 2012

Ya son de verano (y tan de verano!), pero cal charrar de la primavera, que encara yera pendién colgar fotos de las fichas que hen troballau en infantil el zaguer trimestre. Con suerte, igual tos refrescan, agora que son afogaus.

El pase de diapositivas requiere JavaScript.

Cuentos de la bal de Chistau

26 de junio de 2012

Con to’l mes de chunio afogau de fayena, ni an me eba bagau de abisar de que fa pocos diyas que ye disponible un blog con cuentos de la tradizión oral de la bal de Chistau. El ha feto Carolina de Mur que me suposo que ya conoixez es de San Chuan. 😉

Tos deixo la adreza ta que podiaz dentrar a besitar-la:
http://cuentosdelvalledechistau.wordpress.com/

Ilustrazión de Carolina de Mur

L’aragonés en l’aula, en las chornadas de güenas practicas del C.P.R. de Uesca

25 de junio de 2012

Entremistanto la chen son rematando la borina de San Chuan per aquí, a yo me toca rematar la ponenzia que faré el diya 28 de Chuniol en la “JORNADA DE EXPERIENCIAS Y BUENAS PRACTICAS DE INFANTIL, PRIMARIA, SECUNDARIA Y FORMACIÓN PROFESIONAL”. Pasaré per Uesca ta contar en el Centro de Profesores y Recursos lo que hen feto este curso per la redolada. A biyer si les fa goi!

Podez alparziar tot lo que se fa ixe diya punchando aquí.

Fendo peliculas

2 de junio de 2012

Ya ban ta debán las peliculetas que hen feto este trimestre en primaria. Encara falta grabar bel audio y montar-las, pero yo cuento que las tendrén prestas ta la fin del curso. Tenén istorias de miedo, de zienzia-ficzión, de amor y borina… Una mica de tot. Astí ba un adebanto…

El pase de diapositivas requiere JavaScript.


A %d blogueros les gusta esto: