Archive for 31 enero 2012

Cucos en la nebera!

31 de enero de 2012

A cualquiera que le digas que tiene la nebera plena de cucos, de seguro que se espanta abundante. Pos d’ixo se trataba esta actibidat. Es ninos de primaria se ban fer uns imans con cucos que podén biyer per aquí, ta dimpués tomar-les el pel a es pais suyos en casa. Si es que no discurrín ni una buena…

El pase de diapositivas requiere JavaScript.

Anuncios

El cuento de nunca acabar

14 de enero de 2012

Ya sabén que a’s ninos de infantil les fa mucho goi sentir cuentos, y que si per ellos estase, nunca en tendrían prou. Ta apañar el problema, no cal más que emplegar el cuento que hen feto en clase. Alí podén biyer tot lo que fan es chicoz cada diya en casa y en la escuela. Ixo sí, el que el tienga que leer, que se prepare, que cuan paix que s’acaba, torna ta la empezipiadura. Ta ratos en tiene…

El pase de diapositivas requiere JavaScript.

La ringlera del tiempo

6 de enero de 2012

Ya fa diyas que bon rematar esto, pero no me ha bagau de meter-lo per internet basta agora. Y una mica más y ni an el puedo fer ta las bacazions…

Bueno, que sepiaz que no hen estau paraus dende octubre, y bon empezipiar el curso con un mural gran an bon troballar el paso del tiempo. D’ixa traza es niños ban fer-se una mica a la idea de como corren es años, y de lo poco que hen bibiú nusatros la bida d’estes lugars. I hai muchas casas que en ca i tienen en el portal l’año en que las ban fer, y tamién tenén fotos ta saber como yera la chen de fa 100 años u menos. De la chen de tiempos más d’antes ye difízil saber cosas, pero si mirán en es cuadros d’es museos, tamién podén fer-nos una idea. Como nusatros no en tenén a mano, bon aprobechar es tablets de clase ta esforigar en google a biyer que trobaben.

Hala, en uns diyas nos entrepuzan per ixas carreras, que las bacazions ya casi nos las hen bufau de tot. Feliz año!


A %d blogueros les gusta esto: