Archive for 17 octubre 2011

L’orache

17 de octubre de 2011

Caldrá empezipiar a meter lo que fon en clase con es ninos, si no, ba a paixer que no más son tot el diya mirando ta’l sol!

Lo primer que hen troballau con es más chicorrons ha estau conoixer l’orache que fa per estes lugars. Tenén sol, boiras, nieu, tronadas, aire, bela pedregada… Con tot ixo hen chugau a trobar las parellas. Con las fichas cara t’abaixo, cal chirar-ne dos. Si son iguals, te las quedas, y si no, pasa el turno ta l’atro. Asinas basta que s’acaban.

Pero tamién hen feto uns imans ta meter en las neberas. Berdat que fan majo?

El pase de diapositivas requiere JavaScript.

Contina el proyeuto Luzía Dueso

7 de octubre de 2011

Fa uns diyas se ba boziar que el departamento de educazión feba plegar las actibidaz d’es proyectos culturals en catalán y aragonés Jesus Moncada y Luzía Dueso. A la fin, no más el han feto con el programa catalán, y de momento contina el d’aragonés.

Esperán que ta el curso que biene no’l saquen, perque este proyecto premite trayer a las nuestras escuelas actibidaz que d’atra traza no podrín tener per el puesto an que son y la custión economica. Me pienso yo que i hai atros gastos en la alministrazión an pueden retallar, que no son menister y que son prou más caros que estes…

Cal fer-se biyer

1 de octubre de 2011

Sin dar-nos en cuenta, ya llebán un mes d’escuela y encara no hebe pasau pe’l blog. Entremistanto bon troballando cosetas en clase ta saca-las per aquí, he feto cuentas de facebook y twitter ta’l que le sia más a man seguir-nos per ixes puestos. El tenez astí alto en la dreta, chunto a la sindicazión (rss). No me choca guaire estas webs de alparziar sin sustanzia, pero u te puyas a la web 2.0 de tot, u te espaldas pe’l camín y dimpués no i hai traza de seguir las marchas modernas. 😀


A %d blogueros les gusta esto: