Archive for 31 mayo 2010

A clica de L’Ainsa replega un premio!

31 de mayo de 2010

Sin pensar-ie, resulta que han dau un premio as ninos d’aragonés del Asunzión Pañart! Ye la primera edizión del premio Esnabesar, del Charraire Fest que fan en Panticosa ta’l 12 de Chunio. Se bei que lo que hen fochau estes años en clase les ha feto goi. 🙂

Charraire fest

Si tos pasaz per alí ixe diya tenez mosica, chuegos ta ninos, la feria de l’aragones, charradetas, teatro… Tenez la informazión en la web de Charraire fest:

http://www.charraire.org/

Nos beyen alí. 😉

Anuncios

Qui no tiene cabeza tiene que tener peus…

26 de mayo de 2010

Pos ixo, que hoi teneben a Rafael Vidaller besitando la nuestra escuela, y lo que menos he pensau ha estau en enganchar la camara ta fer fotos… Tendrá que estar ta otra bez.

“Seguindo ro bayo” ye parte del “proyeuto d’animazión arredol d’a luenga e a cultura aragonesa”. Lo que ha feto Rafael ye contar a es ninos como biben es onsos, y con ixa istoria, poder  saber-ye una miqueta más de las plantas y bichos que dondean per es mesmos puestos.  Me pienso que lo que más goi les ha feto a esta clica ye lo de gustar es mismos lamins que es onsos: que si miel, que si mermelada de chordón, de zeresas, de abayons… Ya tienen el morro fino estes, ya. Si les esen metiu bel carnuz, ya berín si’l esen gustau…

Y bueno, ya son rematando el curso d’aragones, pero en ca nos queda la fin de la borina: el biernes farén unas obretas con moñacos en el diya de las luengas. ya tos contarén que sale. De momento tendrez que conformazos con esta foto de’s ensayos de l’atro diya.


A %d blogueros les gusta esto: